Kem Udél Hlalak Tehe Selumun 23:3 - Udél Dwata: Gna Kesfasad ne Lomi Kesfasad

³ Béem hotu óyóem du yóm ken alì tilob kayen, déke olo tinggien kóm.

Kem Udél Hlalak Tehe Selumun 23:3 Referans Kwoze

Kem Udél Hlalak Tehe Selumun 23:6

Béi mken bè yóm tau segfét, duhen ke hotuhem óyóem yóm ken alì tilob kayen béléem.

Kem Lingón 141:4

Hol kóhem yóm óyóu mò sidek, béem hlus o mung bè yó kem tau gel mò sidek, ne béem hlus o mung mken bélê le.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

Danyél 1:8

Okóm ke Danyél kun, deng nô bè nawahen yóm là kóyóen gholu bè yóm ken ne yóm ninum blay yóm tau hol geta kul. Yó nmoen, hkodu bè Aspinas anì htólóngen yóm hkenen kul.

Ifisus 4:22

Yó gónóm mon, hol kó ye dé yóm gna nmò ye tganay, yóm gel mit kuy mò sidek. Yóm nmò ye yó, megtondo ye du, mom hensideken knô ye.

Danyél 1:5

Yó bud nmò yóm tau hol geta, wen hmoen yóm tau mólól ken anì tódô ket kdawen bemlay kul ken yó kem ngà logi nélék le yó, yóm ken hyu ne yóm tifas grép alì hyu lemwót bè kun lemisa. Tlu halay le kegen le tmolok kul, ominen yó he wen hmoen kul yóm tau hol geta.