Kem Udél Hlalak Tehe Selumun 23:10 - Udél Dwata: Gna Kesfasad ne Lomi Kesfasad

¹⁰ Hol béem nili yóm sana blóng legen duhen ke nwahem yóm tonok yó kem ngà hikit.

Kem Udél Hlalak Tehe Selumun 23:10 Referans Kwoze

Kem Udél Hlalak Tehe Selumun 22:28

Hol béem abay kó yóm sana ilô bè blóng tonok tehe nmò yó kem gónó ye semfu.

Sikaraya 7:10

Bê ye abay hen-gnok yó kem libun bolu ne yó kem ngà hikit, dalang se yó kem tau milo elem blóng ye ne yó kem tau élél. Hol bê ye abay mò atul sidek ebè kem dumu ye.

Dwata 27:17

‘Hol tnafak Dwata yóm tau ke nilihen yóm blóng tonok yóm dumuhen sebét.’ Ne kdéen tau gotu hem-el du, mon le, ‘Tahu yó.’

Sulat Jim 1:27

Yóm tahu kehtahu hol kun henmóyô Dwata, yóm Mà tekuy, duhen yóm hol któbóng yó kem ngà hikit ne yó kem libun bolu bè yóm gónó le glayam. Ne ke gel tensuhen yó kem sidek gel nmò tau lem benwu.

Jirimaya 22:3

Ni se udél Dwata ebélê ye, monen, hol bê ye abay kmihu, nmò ye yóm tedeng. Tnóbóng ye yó kem tau deng wen hennagaw le bélê le. Lenwà ye yó kem tau hen-gnok lem hólól yó kem tau hemgnok kul. Tenflok ye ne yóm kmò ye sidek. Bê ye abay hensidek yó kem tólóng tau nô lem blóng ye kkólen bè yó kem ngà hikit ne yó kem libun bolu. Bê ye abay hnatay yó kem tau laen dù salà le.

Dwata 19:14

Yó bud mon Musis, “Ke deng ye kól ta yóm tonok blayen kuy yóm sana kuy Dwata hol gónó mogot, hol bê ye abay nili yóm sana ilô bè són tonok yóm dumu ye sebét, yóm tehe btesen là sekna.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Jirimaya 7:5

Són gónóhu kmodu kuy ke kó ye yóm sidek nô lem hendem ye ne yóm sidek gel nmò ye. Knoduhu yu ke tedeng nmò ye bè yó kem dumu ye tau.

Kem Lingón 94:6

Botong hnatay le yó kem libun bolu ne yó kem tau milo, ne bnonok le kem ngà hikit.

Job 6:27

Okóm yóm kuy kmò, balù ngà hikit sana kmò ye du hesek. Ne balù wè ye sana kehbalù ye du.

Kem Udél Hlalak Tehe Selumun 15:25

Dwata se gemlà du yóm kul gmónô yó kem tau hegmón, okóm sen-gyoken yóm kun tonok yóm libun bolu.

Jirimaya 7:6

Tenflok ye ne smukat yó kem tólóng tau nô lem blóng ye dalang se yó kem ngà hikit ne yó kem libun bolu. Tenflok ye ne hmatay kul yó kem tau laen dù salà le. Tenflok ye ne tmaba ebè yó kem dumu dwata, abay se yó yóm hemsidek knô ye.