Kem Udél Hlalak Tehe Selumun 22:9 - Udél Dwata: Gna Kesfasad ne Lomi Kesfasad

⁹ Nuyag Dwata yóm tau bkas nawahen ebè kem dumun ne gel benlayen ken yó kem tau élél.

Kem Udél Hlalak Tehe Selumun 22:9 Referans Kwoze

Kem Udél Hlalak Tehe Selumun 19:17

Yóm tau knoduhen yó kem tau élél lómón ke hendómen Dwata ne Dwata he hulék du yóm deng blayen.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

1 Pitér 4:9

Hol gel hnódó ye dumu ye ne bê ye abay gel tmalaw.

Kul Nmò 20:35

Deng hdalangu kuy se bè yóm kmò tekuy nmò, sal gel wen gónó tekuy ma mò tóbóng yó kem dumu tekuy wen gónó le élél. Hol hentulón ye nawa dé yóm sotu tehe mon Jisas, yóm monen, ‘Bong kligalen he kun yóm tau bemlay senta yóm tau benlay.’ ”

Hibru 13:16

Ne bê tekuy abay klifót yóm ktilob kmò tekuy bè kem dumu tekuy tau ne yóm gel kestóbóng tekuy, abay se ni se mò henged dsù gónón hyu nawa Dwata.

Kun Snulat Luk 14:13

Ke moi ken bong,” monen, “yó dé tinokem tu kem tau élél, yó kem tau hikot, yó kem tau tugô, ne yó kem tau butô.

Isaya 32:8

Okóm yóm tau laen dù kéngen, tey tedeng yóm gel nmoen ne tey mbegel kdaen du yóm tedeng.

Kem Udél Hlalak Tehe Selumun 21:13

Yóm tau là kenmónen du kehkoduhen béléen yóm tau élél, là se wen kemmón du yóm kun kehkodu.

Kem Lingón 112:9

Là sgafas nawa le bemlay yó kem tau élél. Yóm kehyu nmò le laen kô dù tau kmifót du. Tey mbegel ktau le, ne tey kadat le du kem dumuhen.

Kem Udél Hlalak Tehe Selumun 11:25

Hyu klowilen yóm tau bkas nawahen ne yóm tau ten-gelen kem dumun bud wen se temgel du.

Mark 7:22

ne mdà yehen, ne kesbì, ne yó kem dumu nmò sidek, ne smukat, ne yóm kekdol wen nô lemen, ne yó gel sélés nawa, ne yóm gel semtulón dumu tau, ne hegmón, ne yóm mò ungel.

Matyu 20:15

Ilóem laen dù dou kwalis mò du yóm dou kóyô bè yóm dou filak? Nófô ye kô yóm kkoduhu yó kem tau huli mò nmò?’ ”

Dwata 28:56

Dalang se yóm libun boi alì hulung kmodu kem dumuhen ni kmoen ni, yóm libun là gelen mógów tmonok, bè yóm kdaw yó baling sidek kmoen se kun bè yóm yehenen deng kenbong nawahen, dalang se bè yóm ngaen logi ne bè yóm ngaen libun.

Kem Udél Hlalak Tehe Selumun 31:20

Là kóen sgafas nawahen ebè yó kem tau élél ne gel benlayen yó kem tau là deng wen gónón ma.

Kem Udél Hlalak Tehe Selumun 11:17

Mulék hyu knóen yóm tau hyu kmoen bè kem dumun, okóm yóm tau sidek baluhen hensideken knóen.

Kem Udél Hlalak Tehe Selumun 11:27

Tonen se kadat tau du yóm tau hol sen-galuhen yóm hyu, okóm yóm tau hnebelen yóm sidek, sut béléen se yóm sidek.

Kem Udél Hlalak Tehe Selumun 14:21

Wen salaen yóm tau sendekaen yó kem dumun tau, okóm hligal yóm tau knoduhen yó kem tau élél.

Kem Udél Hlalak Tehe Selumun 28:24

Yóm tau mnagaw bè kem tuhahen ne monen là kô salà du hol lómón ksideken yóm nmoen yó lómón ksidek yóm kul kmò yó kem tau gemlà.

Kem Udél Hlalak Tehe Selumun 28:27

Yóm tau gel benlayen yóm tau élél là kóen mulék élél, okóm yóm tau là kenmónen yó kem tau élél tey dê tau mudél sidek etahen.