Kem Udél Hlalak Tehe Selumun 22:8 - Udél Dwata: Gna Kesfasad ne Lomi Kesfasad

⁸ Yóm tau gel mulu yó kem nmò là tedengen, glumfaken bunguhen ne gesón se kehegnoken kem dumun.

Kem Udél Hlalak Tehe Selumun 22:8 Referans Kwoze

Job 4:8

Ni se yóm dou deng ton, ke wen sidek hulu yó kem tau bud sidek se nuta le.

Kem Udél Hlalak Tehe Selumun 14:3

Yóm tau book bè kun kudél hegmón gónón lemwót boug, okóm kun yóm tau hulung hedem, bè kun kudél fen mit du hyu.

Kem Lingón 125:3

Yó kem tau gel mò sidek, là kô senflós le du kmamal du yóm kul benwu yó kem tau tedeng. Ke yó nmò le, déke gbót le mò sidek se kul yó kem tau tedeng nmò le.

Isaya 10:5

Yó udél Dwata, monen, “Yó kmou yó kem tau Asirya, hol lómón ke bogul kulóngu mò bogulu yó kem dou tau Israél lenbutu.

Isaya 9:4

Yakà deng tódô tenfokem du yóm yok tehe alì hmayam kul. Dalang se yóm bogul tehe gel bogul le bè abal le, deng tódô tenfokem. Abay se deng gotu genlaem yó kem hohon le tehe alì mongò hemsidek kul. Hol lómón keglaem kul lómón yóm tehe keglaem yó kem tey sendalù wen lemwót bè benwu Midyan.

Kem Udél Hlalak Tehe Selumun 1:31

Yó gónóm mon, guta ye bunguhen yóm ungel ye ne glayam ye du.