Kem Udél Hlalak Tehe Selumun 22:7 - Udél Dwata: Gna Kesfasad ne Lomi Kesfasad

⁷ Yóm tau mdengen, knamalen yóm tau élél ne yóm tau mutóng hesek yóm tau hemdóm.

Kem Udél Hlalak Tehe Selumun 22:7 Referans Kwoze

2 Bok Kem Tau Hol Geta 4:1

Sotu kdaw, wen sotu libun bolu mógów ebè Ilaysa. Yóm yehenen tehe sotu bè yóm lumbuk yó kem tau tugod Dwata. Yó monen mò ke Ilaysa yóm libun bolu yó, “Deng matay yehenu yóm sotu tau tóbóng lówóhem. Deng tngónem se yóm tey klikoen ke Dwata. Okóm ni, sut yóm tau tehe gónón mutóng filak, ne tô nwahen yóm lewu kem ngà me mò heseken.”

Kem Udél Hlalak Tehe Selumun 22:16

Yóm tau lenugihen yóm tau élél anì temnù kendengenen, baling élél. Senged se kbalingen élél ke bemlay bè yóm tau mdengen.

Kem Udél Hlalak Tehe Selumun 18:23

Yóm tau élél sal gel mudél hkodu, okóm yóm tau wen kendengenen mom heskong ke malà.

Sulat Jim 2:6

Okóm kuy, là kô nadat ye kul. Fen hegeta ye yóm tau wen kendengenen. Okóm tau du se fen gel hemgnok kuy? Tau du se gel mit kuy ebè yó kem dyad? Hono yó kem tau wen kendengen le.

Matyu 18:25

Okóm yóm tau ni koni, laen kô gónón ma mò bud bayaden du yóm tey utóngen yó. Yó tódô tô nmò yóm tau hol geta béléen, tódô tô hbaluen mò klifen, mung du yehenen ne kem ngaen, kkólen bè yó kem kimuhen mò mayad du yóm nutóngen.

Kem Udél Hlalak Tehe Selumun 22:22

Béem nongò yóm tau élél baluen ke gbekem mò du duhen ke nitem skukum igoen élél.

Kem Udél Hlalak Tehe Selumun 14:31

Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.

Sulat Jim 5:1

Na, yu kem tau wen kendengenen, hol hnungol ye o. Olò dnumu nkik ye dé yó kem tey hlayam sut bélê ye.

Amus 8:6

Hebtes tekuy yóm halay wen bolen kafa. Nmò tekuy hesek yóm tau mutóng là gbeken mayad, yóm tau mutóng tek sbotù blówón bukay ne snilas.”

Amus 8:4

Ni mò hol hnungol ye, yu kem tau gel hemgnok yó kem tau élél ne gembà klowil yó kem tau laen dù kwa le lem nim benwu ni.

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Sulat Jim 5:4

Ngem yó kem sukéy tehe là hsut ye du bè yó kem tau mò nmò bélê ye, yó se yóm fen kmamo kuy bè Dwata. Hnungol ye dé yóm keslón le kuy yó kem tau mò nmò bélê ye. Deng gefet bè Dwata, yóm gónó mogot hol mfasang bè kdéen yóm ktaba le ebéléen.

Amus 2:6

Yó bud udél Dwata, monen, “Deng tendo sensulit le mò sidek yó kem tau bè Israél, là kô gbeku du ke là tnafaku kul. Deng mom hbalù le mò hesek yó kem tau tedeng kmò le, luluk le lu bè filak ne yó kem tau élél deng luluk le lu bè snilas.