Kem Udél Hlalak Tehe Selumun 22:5 - Udél Dwata: Gna Kesfasad ne Lomi Kesfasad

⁵ Yóm tau là btol kehedemen tey dê gónón btang ne gholot ne yóm tau eles mabung hlayuk bè yó kem sidek.

Kem Udél Hlalak Tehe Selumun 22:5 Referans Kwoze

Kem Udél Hlalak Tehe Selumun 15:19

Yóm kun klowil yóm tau lemfu, lómón ke yóm lan tódô tfeng sual, okóm yóm kun klowil yóm tau tedeng kmoen, lómón ke yóm lan tódô mló.

1 Jan 5:18

Deng tngón tekuy se ke deng baling ngà Dwata yóm tau, là kô senflósen du mò salà, abay se yóm Ngà Dwata fen tendo kemlung du, ne laen dù bud gmò Seitan béléen.

Kem Udél Hlalak Tehe Selumun 16:17

Knogolen yóm sidek yóm kun kmò klan yóm tau tedeng kmoen ne yóm tau ten-gamahen kmoen, henyuhen klowilen.

Kem Udél Hlalak Tehe Selumun 19:16

Yóm tau mimón yó kem hlau Dwata htahaen ktauhen, okóm yóm tau là kenmónen yóm udél Dwata hukolen ktauhen.

Kem Udél Hlalak Tehe Selumun 13:15

Yóm khulung tau temnef gónón gmuta yóm kadat tau du, okóm yóm tau là gsalig du yóm kun lan mit du meglà.

Kem Udél Hlalak Tehe Selumun 13:3

Nabungen klowilen yóm tau eles hendemen kudélen ne yóm tau tódô óyóen bemkó yóm udél sidek hensideken knóen.

Kem Lingón 91:1

Yóm tau tendo hofin bè Dwata ne ke henek bè kofinen du, yóm Dwata laen dù là gbeken du,

Kem Lingón 11:6

Bè yó kem tau gel mò sidek yó, hkulón Dwata eta le yóm bala ofi kemyóngón nbol kbuda, ne bud wen tey lenos kinì hwiten ebélê le mò tmafak kul.

Juswa 23:13

tódô eles tulónu kuy, là kô bud lo Dwata du bélê ye ni kem dù hohon ye ni ke sok nundug ye lu. Deng mom lu gónó ye gholot, duhen ke lu yóm blatik gónó ye bkó. Ne tey sidek kdesen bélê ye, lómón ke nfes le gu tekwang ye ne lómón ke huling ye sual. Ngangen mò du bélê ye yóm yó efet ye gotu mekfung ta nim tey tonok hyu deng blayen kuy yóm sana kuy Dwata hol gónó mogot.

Kem Udél Hlalak Tehe Selumun 22:4

Yó ofol yóm tau heglaan ne kmikò ke Dwata duhen yóm kendengenen ne kegdóyónen ne ktahà ktauhen.

Kem Udél Hlalak Tehe Selumun 29:6

Yóm tau gel mò sidek mom gholot bè yóm kun salà, okóm yóm tau tedeng kmoen mom semngal ne hligal se kun.

Kem Udél Hlalak Tehe Selumun 4:19

Okóm yóm kul kmò kógów klowil yó kem tau gel mò sidek lómón ke són moen mget kkifuhen. Són mò le tlokob, okóm là kô ton le du yóm hetlokob kul.