Kem Udél Hlalak Tehe Selumun 22:12 - Udél Dwata: Gna Kesfasad ne Lomi Kesfasad

¹² Tendo gel olun Dwata yóm ktahuhen, okóm tnangkisen yó kem udél yóm tau mò kéng.

Kem Udél Hlalak Tehe Selumun 22:12 Referans Kwoze

2 Tutul Israél 16:9

Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.”

2 Tisalunika 2:8

Ne yó he kehegfanen yóm tau alì hulung mò sidek yó. Okóm bè yóm kkól yóm gónó tekuy mogot Jisas, angat tódô hnatayen mlan bè kyufen du. Tódô mekto meglà yóm tau yó lemwót bè yóm tey keslinang yóm gónó tekuy mogot.

Kul Nmò 5:39

Okóm ke lemwót bè Dwata, là kô gbek tekuy hemseng kul. Mò kmoen se ke deng mom Dwata yóm blà tekuy?”

Kem Udél Hlalak Tehe Selumun 11:3

Tendo le galak bè yóm ktedengen yó kem tau tedeng kmò le, okóm yó kem tau là gsalig kul bè yóm kul keseblékê, yó se heglà kul.

Kem Udél Hlalak Tehe Selumun 22:11

Yóm tau henlomen yóm klaen dù belen kehedemen ne yóm alì kehyu yó kem udélen, yó se gónón geswè bè yóm tau hol geta.

Kem Udél Hlalak Tehe Selumun 22:13

Yóm tau lemfu tódô kem mngak liyun hekawang, monen, “Mataye mni ke hewae.” Mò dawahen anì là moen nmò.

2 Bok Kem Tau Hol Geta 6:9

Okóm tódô kendel hemwit udél Ilaysa ebè yóm tau hol geta bè Israél, monen, “Hol bê ye abay mlan bè yóm sotu benwu yóó, abay se angat le nô bè yó yó kem sendalù Aram.”

Nihimaya 4:9

Okóm yó bud nmò me, mni me bè yóm sana kum Dwata ne tódô senflós me kemdaw ne kifu mentey yóm syudad me.