Kem Udél Hlalak Tehe Selumun 22:11 - Udél Dwata: Gna Kesfasad ne Lomi Kesfasad

¹¹ Yóm tau henlomen yóm klaen dù belen kehedemen ne yóm alì kehyu yó kem udélen, yó se gónón geswè bè yóm tau hol geta.

Kem Udél Hlalak Tehe Selumun 22:11 Referans Kwoze

Matyu 5:8

Tey kehyuhen bélê le kul yó kem tau ke laen dù belenen yóm kehedem le, abay se angat ton le Dwata.

Kem Udél Hlalak Tehe Selumun 16:13

Tey kehligalen yóm tau hol geta bè yó kem tau là tmulónen kéng ne hyu nawan bè yóm tau gel tmulón yóm tahu.

Kem Udél Hlalak Tehe Selumun 14:35

Tey hligal yóm tau hol geta bè kehyu kmò yó kem tau smugung béléen, okóm tey sidek kebuten du yó kem tau mò yóm gónón myak.

Kem Lingón 101:6

Tendo bnenteyu lu yó kem tau mò du yóm tedeng anì mung le henek menwu béléu. Són yó kem tau kembê du yóm sidek yóm henmóyóu mò tmóbóng do.

Kem Lingón 45:2

Uu se, yóm hol knóón logi bè kdéen. Yó kem udélem, hono gemtóbóng bè kem dumuhem, abay se laen kô tul sónen yóm tendo któbóng Dwata kóm.

Kun Snulat Luk 4:22

Tódô kdê le gotu beyen hmungol du. Tey keseftaw le du yóm klinggel yó kem udél gel btang gu bè sumóngen, mon le, “Igò sem ni du yóm ngà Jusif.”

Danyél 3:30

Ominen lemwót yóm tau hol geta yó, hegetahen glal le Sadrak ne Misak ne Abidnigu bè yó bè prubinsya Babilun.

Istér 10:3

Nim Murdikay ni tau Ju se kun, du se hol gfi bè Sérksis. Tey kadat le du yó kem dumuhen Ju ne tey kehyu nawa le ebéléen lemwót bè yóm tey khotuhen nawahen mò du yóm hyu bè yó kem dumuhen ne sal gel nfihen lu bè yóm kmoen nmò bè yóm tau hol geta.

Kem Lingón 24:4

Yó knóón mò du, duhen yó kem tau laen dù belenen yóm kekdol le ne yóm kehedem le. Là tmaba le ebè yó kem dwata lenbù nmò, ne là tódô le mò fasad hkawang.

Kem Udél Hlalak Tehe Selumun 22:12

Tendo gel olun Dwata yóm ktahuhen, okóm tnangkisen yó kem udél yóm tau mò kéng.