Kem Udél Hlalak Tehe Selumun 22:1 - Udél Dwata: Gna Kesfasad ne Lomi Kesfasad

¹ Mom hyu he yóm tau ke néléken yóm któtól bè kehyu kmò senta yóm kbong kendengenen ne mom hyu he ke tótól bè yóm kehyu nawa senta yóm kwen tembaga futien duhen tahu blówónen.

Kem Udél Hlalak Tehe Selumun 22:1 Referans Kwoze

Kun Snulat Luk 10:20

Okóm,” monen, “bê ye mom kat alì hnigal se yóm deng kimón le kuy yó kem busaw. Yó dé hol hnigal ye, yóm boluy ye deng snulat Dwata bè longit.”

1 Bok Kem Tau Hol Geta 1:47

Deng le gotu mógów ebè Dabid yóm kdê genlalen na le e hegfan béléen yóm kehyu nawa le bè yóm deng nmoen yó, mon le, ‘Yó hem Dwata hol htótól ke Selumun senta yóm kóm któtól, ne hegetahen yóm kun benwu nogot senta yóm kóm nogot.’ Omin yóm tau hol geta mni bè Dwata bè yóm gónón hlilil bè katrihen,

Flipay 4:3

Ne uu snéen, Wè, yóm tau là monol nawahen tmóbóng dou, yake uu hol tmóbóng kul anì géhél le sefyu. Tey tehe khotu le nawa le tmóbóng do ekni bè yóm kehbólu yóm Tulón Hyu. Tehe le gel mung ke Klémén ne yó kem dumu gel tmóbóng dou. Yóm kul boluy deng gotu nô bè yóm bok Dwata, duhen yóm bok lowil.

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Hibru 11:39

Yó kem tehe tau gnahen yó ekni, bong le megdóyón se lemwót bè yóm kehtahu le bè Dwata. Ewenem yó, bè yóm klawi le mowil, là kô guta le du yóm fasad Dwata kul.

Kem Udél Hlalak Tehe Selumun 10:7

Baluen ke deng matay yóm tau tedeng kmoen là kóen mkó kehtulón le du nawa kem tau, okóm yóm boluy yóm tau mò sidek tódô klifót le.