Kem Udél Hlalak Tehe Selumun 21:9 - Udél Dwata: Gna Kesfasad ne Lomi Kesfasad

⁹ Mom hyu he ke nô te hatal yóm tau, senta ke setnù le tuha libunen yóm gel mit du sgés lem gónô.

Kem Udél Hlalak Tehe Selumun 21:9 Referans Kwoze

Kem Udél Hlalak Tehe Selumun 19:13

Yóm logi book nmoen glumfak maen ne yóm libun tendo niten sgés tuha logihen lómón yóm tdak él tendo hfulów muni.

Kem Udél Hlalak Tehe Selumun 25:24

Mom hyu he ke nô bè gónón hnas yóm tau senta ke setnù le tuha libunen yóm tendo gel mit du sgés lem gónô.

Kem Udél Hlalak Tehe Selumun 21:19

Mom hyu he ke nô bè benwu laen dù menwu du yóm tau senta ke setnù le tuha libunen yóm gel mit du sgés ne lembut du.

Kem Udél Hlalak Tehe Selumun 12:4

Hegdóyónen ne hefligalen tuha logihen yóm libun hyu kmoen, okóm yóm libun henyaken tuha logihen lómón ke gel hengoken lem tiolen.

Kem Udél Hlalak Tehe Selumun 15:17

Mom hyu he yóm mutón lemnaw ke mung du yóm kesbong nawa, olo yóm mutón tahu utón ke wen sutó nawa mung du.

Kem Udél Hlalak Tehe Selumun 17:1

Mom hyu he mken yóm ken deng kefel ke mung du yóm kenek nawa senta yóm mung bè yóm mò ken bong wen sbólów du.

Kem Udél Hlalak Tehe Selumun 21:8

Yóm kun kmò klan yóm tau gemsalà là kóen btol, okóm yóm tau laen dù belen kehedemen tedeng yóm kun nmò.

Kem Udél Hlalak Tehe Selumun 21:10

Yóm tau gel mò sidek són nusolen yóm kmoen sidek ne laen kô koduhen kdumun.