Kem Udél Hlalak Tehe Selumun 21:6 - Udél Dwata: Gna Kesfasad ne Lomi Kesfasad

⁶ Yóm kendengen guta tau mlan bè ktulónen kéng tódô kmanas lómón keklanasen bulók kulón ne ni se gónón gholot e lem hatay.

Kem Udél Hlalak Tehe Selumun 21:6 Referans Kwoze

Kem Udél Hlalak Tehe Selumun 13:11

Tey mahil se kgotuhen yóm kendengen là gnayam du, okóm yóm kendengen gnayam balù ket na udi kaem mból.

Kem Udél Hlalak Tehe Selumun 10:2

Yóm kendengen là mlanen bè ktedengen laen kô uléken, okóm yóm ktedeng kmoem htahaen ktauhem.

Kem Udél Hlalak Tehe Selumun 20:21

Yóm umun lenolok nwa laen dù kligalem du bè hulihen.

Jirimaya 17:11

Yóm tau fmilak mlan bè là ktedengen, hol mkél bè yóm onuk koyu nlonen yóm là kun ngà lenbotù du, là legenen béléen yó kem ngaen yó. Bud là legenen bè yóm tau yóm kendengenen mlan bè yóm là ktedengen, tódô kendel lana. Ne ke deng tuha bud mulék élél, gfan yóm kungelen.

Kem Udél Hlalak Tehe Selumun 8:36

Okóm yóm tau là tonen do hensideken knóen. Kdê yó kem kembê do kenbong nawa le yóm hatay.” Ni se koni yó kem udél yóm khulung hedem.

Kem Udél Hlalak Tehe Selumun 30:8

Tanayen, hol tnóbóngem o anì là gemmoe kéng ne gewuhen, béem hdengen o ne béem hélél se o, olom bemlay do yóm mò gel sfeng kenu.

Kem Udél Hlalak Tehe Selumun 22:8

Yóm tau gel mulu yó kem nmò là tedengen, glumfaken bunguhen ne gesón se kehegnoken kem dumun.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Kem Udél Hlalak Tehe Selumun 20:14

Yóm tau sal gel senlónen yóm hbalù lanen tô mkos btesen, okóm bè yóm deng kewóten tey ksaluen du yóm deng benlihen.

Taytus 1:11

Tenflokem lu, abay se tey deng dê gmónô senbeweg le lan le gel tmolok yóm sekban. Yóm ktolok le yó, samut lan le mebel filak.

Isikél 18:31

Tenflok ye ne yóm là gel kimón ye do, hnomi ye kehedem ye ne knawa ye. Moen de ke móyô ye kendel matay, kem tau Israél?