Kem Udél Hlalak Tehe Selumun 21:5 - Udél Dwata: Gna Kesfasad ne Lomi Kesfasad

⁵ Yóm tau mefesek ke tilob katulen du yóm nmoen yó se mit du gónón wen klowilen, okóm yóm tau henkosohen yóm kendengenen baling élél.

Kem Udél Hlalak Tehe Selumun 21:5 Referans Kwoze

Kem Udél Hlalak Tehe Selumun 10:4

Gel baling élél yóm tau mduk, okóm yóm tau mefesek baling wen kendengenen.

Kem Udél Hlalak Tehe Selumun 13:4

Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.

Ifisus 4:28

Yóm tau tehe gel mnagaw, hol tenfloken yóm knagawen yó, béen bud nmò. Tódô hol hteneb mò nmò dé anì wen gónón ma klowilen, ne anì wen lukasen mò blayen bè yó kem tau élél.

Kem Udél Hlalak Tehe Selumun 14:29

Yóm tau là mahilen lembut tey hulung temnef, okóm yóm tau sunget mahil gemsalà.

Kem Udél Hlalak Tehe Selumun 28:22

Yóm tau seglom kóyóen ke géhél wen kendengenen ne là kô tngónen du ksuten béléen yóm kélélen.

Kem Udél Hlalak Tehe Selumun 20:21

Yóm umun lenolok nwa laen dù kligalem du bè hulihen.

Kem Udél Hlalak Tehe Selumun 19:2

Là kóen hyu ke tódô faem kmoem ke là deng eles tngónem du duhen ke alì hentlagadem ne dengi mom su.

Kem Udél Hlalak Tehe Selumun 29:20

Mom hyu he yóm tau book senta yóm tau tódô faen mudél là nan hendem du.