Kem Udél Hlalak Tehe Selumun 21:2 - Udél Dwata: Gna Kesfasad ne Lomi Kesfasad

² Ofo tau hemdem du ke hono tedeng yóm kun kmò, okóm Dwata hemdeng du yóm nô lem but blututen.

Kem Udél Hlalak Tehe Selumun 21:2 Referans Kwoze

Kem Udél Hlalak Tehe Selumun 16:2

Ofo tau hemdem du ke hono tedeng yóm kun kmò, okóm Dwata hemdeng du yóm nô lem but blututen.

Kem Udél Hlalak Tehe Selumun 16:25

Wen se atul lómón tô tedeng bè kehedem tau du, okóm yó sónen hatay.

Kun Snulat Luk 16:15

Yó gónó Jisas mon du mò kul, “Tey dê nmò hegfan ye bè tau anì tedeng kton le kuy, okóm tódô tngón Dwata lem hendem ye. Yó kem alì mebtes bè kehedem tau, bè kton Dwata du, laen kô dù muhen.

Jirimaya 17:10

Okóm ou se yóm sana Dwata hol gónó mogot, ou se gel hemklol du yóm nô lem hendem tau ne gotu tonu yóm nô lem but blututen. Yóm ofol blayu du sal lemwót bè yóm deng kun gel nmò.”

Kem Udél Hlalak Tehe Selumun 30:12

Wen se kem tau ofo kul hemdem du ke deng hono duhen yóm kul kmò, okóm là dengen mkó ta le he salà le.

1 Samwél 16:7

Okóm yó mon Dwata mò ke Samwél, “Béem tenngel yó dum keklóónen logi ne yóm ktahaen, sundu du yóm néléku. Yóm dou kélék là mkélen bè kélék tau. Yóm tau, són olo tonen yóm gfan ta, okóm yóm dou tenngel yóm nô lem nawahen.”

Kem Udél Hlalak Tehe Selumun 24:12

Déke monem, laen kô dou hentngón du, okóm Dwata temngón du yóm nô lem but blututem ne du hemdeng du yóm kóm kmò. Tendo tnanuden u, ne benlayen u ofol geblà bè yóm deng nmoem.

Sulat Jim 1:22

Bê ye abay olo hmungol du yóm Udél Dwata, yake hol nimón ye. Kesok là nimón ye du olo ye tmondo knô ye.

Kem Lingón 36:2

Lemwót bè yóm alì kehegmón le, gónó le là mton du yóm tey ksidek yóm gel nmò le.

Glasya 6:3

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó.

Kem Udél Hlalak Tehe Selumun 20:6

Tey dê tau smalù du yóm kul kogot nawa, okóm olon mtukul gónó mton du yóm tau gsalig.

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Kem Udél Hlalak Tehe Selumun 12:15

Yóm tau book bè kun kehedem du tedeng yóm kun kmò, okóm yóm tau hulung hedem gel hnungolen yóm kehlau le du.

Job 31:6

Dwata he hol tmimbang dou bè yóm timbang là kmulangen anì tonen yóm klaen du salà nmou.

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.

Danyél 5:27

Tékél, yó lanen tnimbang. Deng tnimbang Dwata ne yóm kóm gel nmò, okóm laen dù lemen.