Kem Udél Hlalak Tehe Selumun 21:16 - Udél Dwata: Gna Kesfasad ne Lomi Kesfasad

¹⁶ Yóm tau senyaten yóm lan ebè yóm khulung hedem mahil knóen bè kul gónó nô yó kem matay.

Kem Udél Hlalak Tehe Selumun 21:16 Referans Kwoze

Hibru 10:38

Yó kem dou tau deng baling tedeng kmò le, lemwót bè yóm kehtahu le béléu gónó le hlós mowil. Okóm ke knogol le yóm kehtahu le béléu, là kô wen bud nawahu ebélê le ne.”

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Kem Lingón 49:14

Eles nô ta le hatay le yó kem tau yó, lómón yó kem ógóf. Tendo gel nalaken lu yóm hatay, nalaken lu elem lebeng. Okóm yó kem tau tedeng kmò le, angat le gemmò bè yó kem tau yó, yó kem tau hlós lagas lówó le bè yóm benwu yó kem tau matay, yóm benwu alì mayuk bè yóm tehe kul gónó nô talak tonok.

Sulat Jud 1:12

Bè yóm gel kestifun ye mken yu kem tau hemtahu, tey là hyuhen yóm tódô kesegbót le mken bélê ye yó kem tau tmolok sekban yó. Laen dù yak le mò du lem blóng ye yóm ungel le. Són hendem le kul knô. Mkél le bè yóm lobun mung bè lenos, balù setlek él ke hetsiken, ne mkél le bè koyu mungu, balù udì ke wen bungu le igoen sem deng gel kól bè yóm bulón le gel mungu. Yó duónen, deng gotu kdut yóm dolil le, ne deng le gotu mlef.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

Ifisus 2:1

Yóm tehe yu ekni, lemwót bè yóm là kimón ye ke Dwata ne bè yóm kwen sidek gel nmò ye, yó se gónó ye deng golu elem hatay laen dù sónen.

Sifanaya 1:6

Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Kem Udél Hlalak Tehe Selumun 9:18

Okóm yóm tau gbóy béléen là kô tngónen du yó kem tau tehe gna mógów ebéléen, yóm deng knô le bè benwu yó kem tau matay.

Kem Udél Hlalak Tehe Selumun 2:13

ne bè yó kem tau deng kembê du yóm ktedeng kmò anì hlós klolò le du yóm sidek.

Kem Udél Hlalak Tehe Selumun 11:19

Tahà ktauhen yóm tau sal gel nmoen yóm ktedengen, okóm yóm tau són moen mò sidek hukolen ktauhen.

Isikél 18:24

Okóm ke wen tau tedeng kmoen ne mom tenfloken mò du yóm hyu ne bud nmoen yóm kdéen kenyak gel nmò yó kem tau mò sidek, hyu kô hlowil du yóm tau yó? Là, là hyuhen. Là kô bud hendemu du ne yó du kem hyu deng tehe nmoen. Angat tódô matay lemwót bè yó kem salaen.

Kem Udél Hlalak Tehe Selumun 5:23

Matay lemwót bè là kgafasen nawan. Yóm alì kbooken mit du tlas.

Kem Udél Hlalak Tehe Selumun 19:16

Yóm tau mimón yó kem hlau Dwata htahaen ktauhen, okóm yóm tau là kenmónen yóm udél Dwata hukolen ktauhen.