Kem Udél Hlalak Tehe Selumun 21:12 - Udél Dwata: Gna Kesfasad ne Lomi Kesfasad

¹² Dwata se yóm temngón du yóm kun gmónô yóm tau gel mò sidek ne bud du se heglà kul.

Kem Udél Hlalak Tehe Selumun 21:12 Referans Kwoze

Kem Udél Hlalak Tehe Selumun 14:11

Yóm tau gel mò sidek meglà yóm kun kmuleng, okóm yóm tau tedeng kmoen mobung yóm kun kmuleng.

1 Kurin 10:5

Ewenem he, là kóen hol wen bélê le gónó Dwata hligal. Yó gónóm mon, tódô le kem gotu matay bè lan le mógów lem yóm benwu là hyu menwu du.

Amus 4:11

“Deng wen genlau bè yó kem syudad ye lómón yóm tehe ksulék keglau yóm benwu Sodom ne Gumura. Yó kem dù mowil bélê ye, hol lómón ke yóm koyu deng ken ofi dolihen bè yóm keskot le du lem ofi. Ewenem sana là kóyô ye semfulék ebéléu,” mon Dwata.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Kem Lingón 107:43

Yó kem tau hulung hedem, hol hendem ye ni kem deng tulónu kuy ni koni. Hol hendem ye yóm là konolen yóm kbong nawa Dwata kuy.

Kem Lingón 52:5

Okóm angat tek sulék keglà Dwata kóm, ne laen kô tul kegebtikem. Angat skoten uu bè gónóem, ngangen mò kóm efet kóhen uu lem blóng yó kem tau mowil talak tonok.

Job 5:3

Ni se yóm dou deng ton, yóm tau nungel knogolen Dwata, baluen ke hyu klowilen là kóen gfu yóm kehyu klowilen yó, tódô mekto sut béléen hlayam.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Kem Udél Hlalak Tehe Selumun 13:6

Yóm kemlung yóm tau laen dù belenen duhen yóm ktedengen, okóm yóm sidek gel nmò yóm tau gemsalà yó se mit du meglà.

Tekang Kbuten 19:29

Okóm bè yóm keglà Dwata yó kem syudad nô bè yóm datal gónón menwu Lat, là homongen ke Lat abay se là klifóten du yóm hni Abraham béléen.

Kem Udél Hlalak Tehe Selumun 29:16

Ke yó kem tau gel mò sidek yóm mogot benwu, deng mom temnù kmò le sidek yó kem tau, okóm ton yó kem tau tedeng kmò le he yóm keglà le.