Kem Udél Hlalak Tehe Selumun 21:1 - Udél Dwata: Gna Kesfasad ne Lomi Kesfasad

¹ Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kem Udél Hlalak Tehe Selumun 21:1 Referans Kwoze

Kem Udél Hlalak Tehe Selumun 16:9

Yóm tau, du fen matul hemdem mò du yóm kun kmò klan, okóm Dwata fen malak du bè yóm kmoen du.

Kem Udél Hlalak Tehe Selumun 20:24

Deng eles natul Dwata yóm kun kmò kógów klowil yóm tau, okóm là kô tngón tau du yóm kun kógów klowil.

Isra 6:22

Tikóng deng kken le yó kem yó, bud hitu kdaw le mò du yóm Kehligal le Mken yóm Mambang Laen Dù Bulung Henoken. Ya tey kehligal le abay se deng tenles Dwata kehedem yóm tau hol geta bè Asirya boluyen Sirus, botong tnóbóngen lu bè yóm kehdà le du yóm Gónô Dwata yóm sana kul Dwata yó kem tau Israél.

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Kem Udél Hlalak Tehe Selumun 16:1

Lem hendem tau gónón lemwót yó kem atul, okóm Dwata yóm bemlay du kegbek hembaling du.

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

Kem Lingón 106:46

Lemwót bè kun nmò Dwata, bud mulék kodu le kul yó kem tau tehe megef kul.

Isaya 43:19

Ni wen lomi lan nmou, hol nangat ye. Deng nbutu se mò du, là ton ye du kô? Wen lan angat nmou bè yóm benwu là hyu menwu du ne wen kem él hlelu gu lemen.

Kem Lingón 105:25

Yó kmò kehlan Dwata du, baling knutó nawa le lu yó kem tau Idyip, lel le smukat kul.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Kem Lingón 74:15

Uu se hesfut él ne hlel yó kem él mlel, ne bud uu se hekti yóm él mlel tehe là ktihen.

Isaya 44:27

Ngem yó dém mohin bong, olo lemwót bè udélu gónón kti.

Kem Lingón 93:4

Dwata se yóm hol dandónen geta kmamal longit. Yóm kun kgis, mkay senta kgis yóm tey lewók mohin, ne mkay senta yóm tey lungkulen.

Deng Hegfan 16:12

Ne lemwót yóm gnem hógów Dwata, koken se kun tukung bè yóm tey él bong boluyen Yufratis. Botong kti yóm él bong yó anì wen lan le mifal du yó kem tau hol geta lemwót fi gu dmata kdaw.

Deng Hegfan 16:4

Ne ominen lemwót yóm getlu hógów Dwata koken se kun tukung elem yó kem él mlel ne bè yó kem tbul él. Ne gotu le baling litô yó kem él.

Kem Lingón 114:5

Moen de, Mohin Hulô, ke hetlasiki mdó bè lan le? Moen de kóm du, Él Jurdan, ke teflok yóm klelem?

Kem Lingón 114:3

Tikóng ton Mohin Hulô lu, tódô hetlasik mdó bè lan le yóm mohin yó. Dalang se yóm Él Jurdan, tódô teflok yóm tbulen.

Jirimaya 39:12

“Béen wen hemdes du ne hol sen-gyok ye. Tódô blay ye du kihu nóyóen.”

Kehewà 7:3

Okóm naw hgel kulu Faro, ne là kô nan e hnungol kuy balù nô kwenen yó kem knikò hmou kuy bè ni bè Idyip.

2 Bok Kem Tau Hol Geta 19:33

Angat tódô bud beklil semfulék ebè yóm kun benwu, loloen yóm sana lanen. Là kóen na a gusek elem nim syudad ni. Ou se Dwata nim mudél ni.

Isra 1:1

Bè yóm hol tanay halay kogot Sirus yóm tau hol geta bè Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hefedemen ke Sirus anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó snulaten, monen,

Isra 1:2

“Ni se udél Sirus ebélê ye, yóm tau hol geta bè Pérsya. Yóm sana Dwata hol gónó mogot yóm Dwata nô bè longit, deng gotu hkamalen do yóm klamang benwu. Deng fen sigangen tahu bud hemdà du yóm kun Gónô bè Jirusalim yóm syudad glem lem Juda.

Nihimaya 2:8

Ne bud benlayem se o sotu sulat mò nwitu ebè Asaf yóm geta bè yó kem tau gel mentey yó kem koyu nfunem bè yó, anì benlayen o koyu mò ngom yó kem bak tikeb yóm gónó le mentey moni klohok yóm Gónô Dwata ne bè yóm beng botu hmilol yóm syudad yó ne bè yóm gónô gónóhu angat nô.” Tahu se, gotu blay yóm tau hol geta dou yóm kdê hnihu yó lemwót bè yóm knóen béléu Dwata.

Istér 2:17

Yóm kton Sérksis ke Istér, tódô kendel gmung nawahen du mkay senta yó kem dumu libun deng nwit le ebéléen. Tey kehyu nawahen ebéléen. Tódô suuben bè kulu Istér yóm kuruna libun boi mò tles Basti.