Kem Udél Hlalak Tehe Selumun 20:8 - Udél Dwata: Gna Kesfasad ne Lomi Kesfasad

⁸ Sok bangen kmukum yóm tau hol geta gotu dilóen yó kem tau gel mò sidek ne knukumen lu.

Kem Udél Hlalak Tehe Selumun 20:8 Referans Kwoze

Kem Udél Hlalak Tehe Selumun 25:5

Hdóhem klohok yóm tau hol geta yó kem tau gel mò sidek ne yóm kun kogot yóm tau hol geta yó baling mbegel bè ktedengen.

Kem Udél Hlalak Tehe Selumun 20:26

Yóm tau hol geta hulung hedem dilóen yó kem tau gel mò sidek ne bè yóm ktafaken kul laen kô bud kodu mung du.

Kem Udél Hlalak Tehe Selumun 29:14

Yóm tau hol geta ke tedeng yóm kkukumen yó kem tau élél, nan tahà kogoten benwu.

Kem Lingón 99:4

Uu se yóm Hol Geta laen dù là gbeken du, henlom nawahem yóm tedeng, laen kô dù mtukul nfihem. Sal tedeng yóm gel nmoem bè Israél, ne sal tódô.

Isaya 32:1

Bè hulin kdaw angat wen tau hol dandónen geta laen dù kéngen mogot klamang benwu. Ne yó kem smugung béléen, hono tau tedeng kwit le kukum.

Kem Udél Hlalak Tehe Selumun 16:12

Tey keklit yóm tau hol geta du yóm nmò sidek, yakà bè ktedengen du hembegel yóm kun kogot.

Kem Lingón 92:9

Kdê yó kem hohonem, Dwata, angat le gotu matay. Angat gotu senklahem lu kdê yó kem tau gel mò sidek.

Kem Lingón 72:4

Yake hol nfihen yó kem tau élél, ne tnóbóngen yó kem tau laen dù gónó le ma, anì laen dù gmò le bélê le yó kem tau hemgnok kul.

2 Samwél 23:4

hol lómón ke du yóm layag bè kinalen mwas, lómón ke du yóm mata kdaw gel btù hlafus laen dù lobun hemseng du, Heslinangen yó kem bnes deng héfê bè kulón.’

Matyu 12:30

Yóm tau là mungen do, hnohonen ou. Yóm tau là tnóbóngen do semtifun yó kem tau, deng du se fen semkla kul.