Kem Udél Hlalak Tehe Selumun 20:6 - Udél Dwata: Gna Kesfasad ne Lomi Kesfasad

⁶ Tey dê tau smalù du yóm kul kogot nawa, okóm olon mtukul gónó mton du yóm tau gsalig.

Kem Udél Hlalak Tehe Selumun 20:6 Referans Kwoze

Kem Lingón 12:1

Tnóbóngem ou, Dwata, abay se laen dù bud tau tonem mimón kóm, ne deng le lana yó kem tau gsalig.

Matyu 6:2

Duhen yó, ke wen blay ye bè yóm tau élél, bê ye abay hegfan lómón yóm kul gel nmò yó kem tau hemtedeng knô. Tey gel kehegfan le du bè gónó le gel stifun ne gu bè lan bè gónón wen. Yó gónó le gel mò du anì dóyón tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Kun Snulat Luk 18:8

Yó tulónu kuy,” mon Jisas, “tódô kendel gel nfihen lu. Okóm bè yóm kdaw angat bud kesfuléken edini yóm Ngà Tau,” monen, “ngunte ke wen tau angat tonen hemtahu béléen.”

Kun Snulat Luk 22:33

Bnalà Pitér se, monen, “Baluen he ke bnanggui, Sér, senged nóm ke matayi, là kô naw e tebel kóm.”

Kun Snulat Luk 18:11

Tódô mdà yóm Farisi yó tek sotuhen, ne mni bè Dwata, monen, ‘Tey hyu nawahu dou, Dwata, abay se là mkéle bè yó kem dumu tau, lómón yó kem tau sbì, ne yó kem tau mò kéng, ne yó kem tau mdà yehen. Ne tey hyu nawahu abay se là mkéle bè yóm tau fen gel mtuk bwis yóó.

Kem Udél Hlalak Tehe Selumun 27:2

Yake dumu tau dé smalù kóm béen mom uu yake tau milo dé ne là uu du mon du.

Kem Udél Hlalak Tehe Selumun 25:14

Yóm tau fmasad bemlay laen tul kdohoen mkél bè yóm tmengeb ne lenos laen kulónen.

2 Kurin 12:11

Tey kudélu heklabak nim ou. Là kô gmou du he yóm yó ke deng wen tehe udél ye mfi do. Baluen ke laen dù muhu, là kóe na a glaan bélê le yó kem tau tódô lembù mógów elem blóng ye yó.

Kun Snulat Jan 1:47

Timbow ton Jisas Natanyél mógów ebéléen, wen tulónen gbak ebéléen, yó monen, “Ni sii yóm hol tahu tau Israél abay se laen kô dù kéngen.”

Kun Snulat Luk 18:28

Mudél se ke Pitér kun, monen, “Ngem ni dém mi, glok me tódô gemtagak yó kem gónô me lan me lemolò kóm.”

Kem Udél Hlalak Tehe Selumun 20:5

Yóm kngelem yó kem atul nô lem hendem tau lómón yóm linu alì nelem, okóm yóm tau alì hulung temnef tngónen bè ketdeken du.

Kem Lingón 12:2

Yó kem tau sebét, deng sket kul tmulón kéng bè yóm ket kul ba sotu. Dóyón le kem dumu le mò lan le smukat kul.