Kem Udél Hlalak Tehe Selumun 20:5 - Udél Dwata: Gna Kesfasad ne Lomi Kesfasad

⁵ Yóm kngelem yó kem atul nô lem hendem tau lómón yóm linu alì nelem, okóm yóm tau alì hulung temnef tngónen bè ketdeken du.

Kem Udél Hlalak Tehe Selumun 20:5 Referans Kwoze

Kem Udél Hlalak Tehe Selumun 18:4

Yó kem udél yóm tau hulung hedem gónó le lemwót hulung hedem yó kem dumu tau, yóm kngelem yóm kun udél lómón ke mohin ne yóm kehyuhen lómón ke él mlel.

1 Kurin 2:11

Bélê tekuy, tek sotu temngón du yóm kehedem tekuy, són tekuy. Senged snéen bè Dwata, tek sotu temngón du yóm kun kehedem, tek són yóm kun Tulus.

Kem Lingón 64:6

Yóm igò le matul mò du yóm sidek, yó mon le, “Deng wen atul nmò me hono hyu.” Tahu se, yóm kehedem tau ne yóm nawahen, tey hulung mò atul.

Kem Udél Hlalak Tehe Selumun 20:4

Yóm tau lemfu là kô tenblaen du yóm bantang kdaw kehyu dmadu. Yó gónóm mon bè yóm kdaw kuta tódô tô mebel okóm laen dù tonen.

Kem Udél Hlalak Tehe Selumun 20:6

Tey dê tau smalù du yóm kul kogot nawa, okóm olon mtukul gónó mton du yóm tau gsalig.