Kem Udél Hlalak Tehe Selumun 20:3 - Udél Dwata: Gna Kesfasad ne Lomi Kesfasad

³ Megdóyón yóm tau là miten sbólów, okóm sok fes tau book sal gel mit sgés.

Kem Udél Hlalak Tehe Selumun 20:3 Referans Kwoze

Kem Udél Hlalak Tehe Selumun 16:32

Mom hyu he yóm tau là mahilen lembut senta yóm tau hulung mit sfatay ne hyu he yóm tau hulung mafas nawa senta yóm tau mled benwu bong.

Kem Udél Hlalak Tehe Selumun 17:14

Yóm kbut yóm kesbólów hol lómón ke gónón msut yóm busung él, yó gónóm mon eles nseng anì là lembéten.

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

Kem Udél Hlalak Tehe Selumun 19:11

Yóm khulung tau hedem bemlay du kanay nawa, ke gemsalà le béléen yó kem dumu tau tódô hnifóten, yó se gónón megdóyón.

Kem Udél Hlalak Tehe Selumun 14:29

Yóm tau là mahilen lembut tey hulung temnef, okóm yóm tau sunget mahil gemsalà.

Sulat Jim 4:1

Tedu se buten yóm gel kesfatay ye bè kem dumu ye, ne yóm gel keseglius ye? Yó se hol buten, duhen yó kem dê kenbeyen nawa ye. Ni se hol sembeweg kuy.

Kem Udél Hlalak Tehe Selumun 18:6

Yóm kun kudél yóm tau book gónón lemwót yóm kesbólów ne bud bè kudélen gónón boug.

Sulat Jim 3:14

Okóm yóm tau tendo wen élés nawa lem hendemen lelen seglom, béen abay hton salù bè yóm kwen ketngónen yóm tau yó.

Kem Udél Hlalak Tehe Selumun 21:24

Sedekà boluy du yóm tau heklabak ne hton salù ne yóm alì sidek keheklabaken bè ket nmoen.

Kem Udél Hlalak Tehe Selumun 14:17

Yóm tau sunget tey mahil kmoen ungel ne yóm tau hulung matul mò du yóm sidek knutó nawa kem dumun.

Tekang Kbuten 13:7

Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Tekang Kbuten 13:8

Ne yó gónó Abram mon du mò ke Lat, “Ó ngà, là hyuhen bè yó kem tau te ke sfatay le abay se tey mget kesdumu te kut.

Kem Udél Hlalak Tehe Selumun 26:17

Yóm tau tódô gbót bè yóm kesbólów laen dù kun du wen gfaen lómón kwen gfaen yóm tau kemfô ohu ke nogoten bè klinguhen.