Kem Udél Hlalak Tehe Selumun 20:1 - Udél Dwata: Gna Kesfasad ne Lomi Kesfasad

¹ Yóm kesedekà ne kehfulów tau lemwót bè yóm tifas ne kem ninum lóbô ne yóm tau lengel du là kóen hulung hedem.

Kem Udél Hlalak Tehe Selumun 20:1 Referans Kwoze

Husiya 4:11

Là bud le hulung hedem ne yó kem dou tau lan le tendo gel minum ninum lóbô ne lan le tendo smamuk.

Ifisus 5:18

Hol bê ye abay nmò yóm hlengel minum, yó se hemsidek klowil ye. Yó dé tles nmò ye, halak ye bè yóm Tulus Dwata.

Isaya 28:7

Balù yó kem tau tugod Dwata ne yó kem tau gel demsù ebè Dwata, sana gotu kegbót le hlengel se kul efet sónmò le mógów glénggé. Tey gedlug yóm gel kinum le botong le gel tlokob. Yó kem tau tugod Dwata yó, là bud gtukul le du ne ke wen tô hegfan Dwata bélê le. Ne yó kem tau gel demsù ebè Dwata, là bud gbek le kmukum du ke wen tau kmamo bélê le.

Kem Udél Hlalak Tehe Selumun 31:4

Hol hnungolem nim ni Lemwél, là kóen hyu kinum le yóm lemengel yó kem tau hol geta ne dalang se yó kem dumu tau mogot benwu ke hemdeen le minum.

1 Kurin 6:10

Ne yó kem tau mnagaw, là kô le gmung bè yó kem tau nogot Dwata, ne yó kem tau seglom, ne yó kem tau gel hlengel, ne yó kem tau gel sidek kbak le ebè kem dumu le, ne yó kem tau tódô gel temsob ma.

Glasya 5:21

Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

2 Samwél 11:13

tinok Dabid anì mung béléen mken ne tey kehlengelen du. Tikóng kifu, bud senged snéen, là kóen mulék ebè gónóen Uraya, deng mom bud slomong tungô bè yó kem tau mentey bè bak tikeb.

2 Samwél 13:28

Omin Absalum mon du bè yó kem tóbóng lówóhen, “Nangat ye ke deng alì lengel Amnon, ne ke wen ilô nmou bélê ye, hnatay ye. Bê ye abay hlikò, ou se mdók kuy. Hfól ye nawa ye, hnatay ye.”

Kem Udél Hlalak Tehe Selumun 23:20

Béi gmung bè yó kem tau tendo minum duhen yó kem tau bong kutón le.

Hbakuk 2:5

Hol gónó gtundug yóm kendengen tau ne yó kem tau heklabak laen dù kenek nawa le, mkél le bè hatay laen kô dù gónón gsengel nawa le. Tendo mled benwu seflós mò nfun le ne negef le yó kem tauhen.