Kem Udél Hlalak Tehe Selumun 2:9 - Udél Dwata: Gna Kesfasad ne Lomi Kesfasad

⁹ Ominem yó he gemtnef du yóm tedeng ne yóm ktedeng kmoem ebè kem dumum ne yóm là keskihuhen ne tódô tngónem se yóm hyu.

Kem Udél Hlalak Tehe Selumun 2:9 Referans Kwoze

Jirimaya 6:16

Yó udél Dwata ebè yó kem tauhen, monen, “Mdà ye bè yóm gónón sesyat lan. Hnebel ye yóm lan deng legen, yóm lan hol tahu duhen ne yó lolò ye. Bè yóm klolò ye du yóm lan yó, bè yó gónón menek kegnóm ye du. Okóm deng mom yó balà ye dou, mon ye, ‘Là. Là yó du yóm lan nóyô me.’

Isaya 48:17

Ni se udél yóm Dwata laen dù belenen yóm lemwà tekuy kem tau Israél yóm gónó tekuy mogot, yó monen, “Ou se yóm Dwata gónó ye mogot. Teye móyô tô tmolok kuy yóm hol hyu bélê ye. Móyóe malak kuy bè yóm lan hyu mò lolò ye.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kem Lingón 119:99

Bong he do khulung temnef senta yóm kul khulung temnef yó kem tau tmolok do, abay se do tendo eles nulón nawaw yó kem hloloem do.

Kem Lingón 32:8

Deng mon Dwata mò dou, “Toloku kóm he yóm lan mò loloem. Ne wen mò hlolou kóm, ne tendo wen hlauhu kóm.

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Kem Lingón 119:105

Yóm kóm udél, Dwata, lómón ke solok tendo gónóhu galak, ne lómón ke layag mò hlayag lanu.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kem Udél Hlalak Tehe Selumun 8:20

Yóm dou kmò klan sal mlan bè ktedengen ne sal hlanu bè yóm là keskihuhen.

Kem Udél Hlalak Tehe Selumun 28:5

Yó kem tau gel mò sidek là bud getnef le du yóm hol ktedengen, okóm kul yó kem tau gel mimón ke Dwata gotu getnef le yóm ktedengen.

Kem Lingón 25:12

Yóm tau wen klikoen ke Dwata, hegfan Dwata béléen yóm lan mò loloen.

Kem Udél Hlalak Tehe Selumun 4:12

Bè yóm kmò kógów klowilem, yó kem tô hemseng kóm tódô kmanas ne bè yóm nmoem meslò laen kô gónóm glokob.