Kem Udél Hlalak Tehe Selumun 2:7 - Udél Dwata: Gna Kesfasad ne Lomi Kesfasad

⁷ Ne du se bemlay khulungen mit ktauhen yóm tau tedeng kmoen ne bud du se kemlung du yóm tau laen dù belenen yóm kun kmò.

Kem Udél Hlalak Tehe Selumun 2:7 Referans Kwoze

Kem Udél Hlalak Tehe Selumun 30:5

Ket yóm fasad Dwata sal gel tahu ne du gel kemlung yó kem tau mlo ebéléen.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

1 Kurin 1:19

Deng wen hsulat Dwata ekni, yó monen, “Yóm kul khulung hedem yó kem tau temngón talak tonok, nmou sónen. Ne hegfanu yóm klaen dù muhen yóm kul ketngón yó kem tau alì bong hennagì le.”

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Kem Udél Hlalak Tehe Selumun 28:18

Yóm tau laen dù belenen tey hyu knóen, okóm yóm tau là tedeng kmoen mekto keglaen.

Kem Udél Hlalak Tehe Selumun 14:8

Yóm khulung tau milô hetngón du du yóm kun kmò kekdol, okóm yóm tau book, gsukat bè ksalà kehedemen.

Kulasi 2:3

Du se henged kunsì mò lemungkà du yóm tey hyu deng fan Dwata tekuy lemwót bè yóm tey khulungen hedem ne yóm tey ketngónen.

Kem Lingón 144:2

Du se yóm Dwata kembong nawa do ne gónów gel hofin. Bud du se yóm mbegel, mò do gónó e hles, ne du se gel lemwà do. Eles mdà bè soluhu mò klungu, ne ebéléen gónóhu e mlo. Hogoten dou yó kem dumu benwu.

1 Kurin 1:24

Okóm bè kdê yó kem tau deng tnaba Dwata, tau Ju duhen ke tau là Ju le, tódô dilô le se kul nim Krays gel tulón me ni, béléen se hol gónón gfan yóm kun kfasang Dwata ne yóm khulungen hedem.

Kem Udél Hlalak Tehe Selumun 8:14

Béléu se gónón gu yó kem atul hyu ne khulung mit du hyu yóm kmò ktau. Ne bud ou se gónón gu yóm khulung temnef ne kfasang.

Kem Lingón 3:4

Denge hkodu bè Dwata, ne kendel bnalaen ou lemwót ditu bè yóm bulul gónóhen gel nô.