Kem Udél Hlalak Tehe Selumun 2:6 - Udél Dwata: Gna Kesfasad ne Lomi Kesfasad

⁶ Yakà tek són du bemlay du yóm khulung hedem ne bud du se gónón lemwót yóm ketngón ne ketnef.

Kem Udél Hlalak Tehe Selumun 2:6 Referans Kwoze

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

Kem Lingón 119:98

Benlay le ou khulung hedem senta yóm kul khulung hedem yó kem hohonu, yakà senflós le tendo malak do.

Job 32:8

Okóm bè ktahuhen, yóm khulung tau hedem kaem lemwót bè yóm Tulus yóm Dwata alì gembek.

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Isaya 54:13

Tódô ou ne tmolok yó kem tauhem anì wen gendeng le ne anì menek kbenwu le.

Kun Snulat Jan 6:45

Wen snulat yó kem tehe gna tugod Dwata ekni, yó mon le, ‘Angat tolok Dwata kdéen tau.’ Yó se tau hmungol ke Mà ne wen dnalangen béléen,” mon Jisas, “yó se yóm tau mógów ebéléu.

1 Bok Kem Tau Hol Geta 3:12

blayu kóm yóm deng hnihem. Benlayu u khulung hedem, yóm khulung hedem là deng tonem du bè dumu tau, ne laen se gónóm angat bud mton du.

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

Kem Lingón 119:104

Lemwót bè yó kem hlauhem yóm khulungu hedem. Yó gónóm mon, tey kenbéu yóm nmò sidek.

Danyél 2:23

Tey kdóyónu kóm, Dwata yóm Dwata yó kem tehe fuu, abay se deng benlayem o khulung hedem ne deng hekgisem o. Deng bnalaem yóm hni me béléem ne deng hegfanem bélê me yóm kna yóm tau hol geta.”

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Isaya 8:20

Okóm ni mò balà ye kul, mon ye, “Yake yó dém tolok Dwata kuy yóm hol hnungol ye. Hol bê ye abay hmungol bè yó kem tau demwata. Là kóen hyu bélê ye yóm gel tulón le kuy.”

1 Bok Kem Tau Hol Geta 4:29

Wen tey khulung hedem ne ketngón blay Dwata ke Selumun, yóm ketngón là gbekem hmingón du.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Kem Udél Hlalak Tehe Selumun 6:23

Yóm kul hlau lómón ke solok alì mtataw nóngen ne yóm kul kestódô kóm toloken kóm yóm klowil hyu.

Kem Lingón 19:7

Yóm hlau Dwata, tódô ket du, sal gel hnomihen kgis tau. Tey gsalig yóm hlau Dwata. Benlayen khulung hedem yóm tau là mnagien.

1 Bok Kem Tau Hol Geta 3:9

Yó gónóm mon, hol benlayem ou khulung hedem anì hyu kwitu kul ni kem tauhem, ne anì hol dilóu yóm hyu bélê le ne yóm là hyuhen bélê le. Laen kô dù tau gembek mogot kul ni kem tey tau wen ni ke tek sotuhen?”

Kehewà 31:3

Deng suu béléen yóm dou Tulus anì wen khulungen ne wen ketngónen mò du balù kihu kay nmò tilob hmou du.

1 Tutul Israél 22:12

Ne Dwata he hol bemlay kóm ketngón ne khulung temnef anì nimónem yó kem hlauhen kóm bè yóm igoem kmamal bè Israél.

Kem Lingón 51:6

Okóm yó gel sen-galuhem béléu yóm klaen dù kéngu lemwót bè kedket nawahu ebéléem, Ke yó se kóyóem béléu, Dwata, tolokem dou sen yóm khulung hedem lemwót béléem.

1 Bok Kem Tau Hol Geta 10:24

Wen kem tau lemwót bè ket benwu mógów ebéléen na a hmungol du yóm tey kehulungen hedem deng blay Dwata du.

Isra 7:25

Ne uu, Isra, lemwót bè yóm tey khulung hedem blayen kóm yóm kóm Dwata, uu fen mélék kul yó kem tau mò fen mogot du yó kem fsinà ye ne mò fen kmukum yóm kdê ye nô fi desdef Él Yufratis. Nélékem yó kem tau temngón du yó kem kun Hlau yóm kuy Dwata. Hol bud tolokem yó kem Hlau Dwata yó bè yó kem tau là deng temngón du he.

Kem Lingón 19:8

Yóm hlau Dwata, hol tahu duhen. Hligal le kul yó kem tau mimón du. Ne yó kem hlolò Dwata, tey tedeng. Yó se gónón lemwót yóm khulung hedem.

Kem Lingón 94:10

Ke tnafaken yó kem tau bè yó kem dumu benwu, là gbeken tmafak kuy kô? Gotu tngónen kdéen, là tngónen du kô yó kem gel nmò ye?

Kem Lingón 119:34

Benlayem ou khulung temnef anì nimónu yóm hlauhem, ne hewótu lem but blututu yóm kimónu du.