Kem Udél Hlalak Tehe Selumun 2:4 - Udél Dwata: Gna Kesfasad ne Lomi Kesfasad

⁴ Hol hen-gelem mebel du yóm khulung hedem lómón yóm gel kebelem tembaga futì ne dumu kimu mebtes gebnos.

Kem Udél Hlalak Tehe Selumun 2:4 Referans Kwoze

Matyu 13:44

“Sotu gónó tekuy e hmingón du yóm kogot Dwata tau,” mon Jisas, “hol lómón ke yóm kimu labi deng tódô ton yóm sotu tau talak yóm dnadu, yóm kimu tehe lebeng yó kem tau gnan ekni. Bè yóm ktonen du, bud lebengen se kun. Ya tey kligalen mulék. Tódô gotu himot hbaluen yó kem kdê nô béléen anì geblihen yóm tonok gónón mton yóm kimu labi.”

Matyu 19:29

Ket tau, ke gloken gemtagak gónóen, ne yó kem dumuhen setwoli, ne yó kem tuhahen, kkólen bè yó kem ngaen, duhen ke tonoken lanen lemolò do, lematu dulék Dwata he bud hulék du ebéléen yóm deng gtebelen yó. Ne lelen yó he angat gmuta du yóm klowil laen dù sónen.

Kem Udél Hlalak Tehe Selumun 16:16

Mom hyu he yóm kwahem yóm khulung hedem senta tahu blówón ne yóm kélékem yóm khulung temnef senta tembaga futì.

Job 3:21

Yó kem tau yó nangat le katay le, okóm là kóen dog kól bélê le. Yóm kehkoso le yóm katay le, mkay senta kehkoso yó he kem tau mokol yóm kimu legen deng lebeng le.

Kun Snulat Luk 16:8

Tikóng tngón yóm tau fun kendengen yóm kmò kehlanen du yóm atulen yóm tau là gulit yó koni, botong monen, ‘Tey hulung hemlan yóm klowilen elem haya yóm tau là gulit yó.’ ” Bud mon Jisas, “Yó kem tau són ktes le klowil le te tonok, tey le hulung eles temgama du yóm klowil le elem haya. Yake bud lómón se yó yóm kul eles ketgama du yóm klowil laen dù sónen yó kem tau deng nô lem layag.

Kem Udél Hlalak Tehe Selumun 23:23

Hol nwahem bè nawahem yóm tahu ne béem glus, senged se yóm khulung hedem ne ketngón ne khulung temnef.

Kem Lingón 119:127

Tahu se, tey kbong nawahu du yó kem hlauhem senta kbong nawahu yóm tahu blówón, balù yóm blówón hol tahu duhen.

Kem Lingón 119:72

Tey mebtes béléu yó kem hlauhem senta bè yó kem hilu katihen tahu blówón ne blówón bukay.

Kem Lingón 119:14

Tey kehligalu lemolò du yó kem hlauhem senta yóm kwen kendengenu.

Kem Lingón 19:10

Tey kesgalu nawahu du yó kem hlau Dwata. Bong kesgaluhu kul he senta tahu blówón. Ke kenu yóm hlau Dwata, tey mi senta tneb.

Kem Udél Hlalak Tehe Selumun 2:3

Hol sen-galuhem yóm khulung milô ne yóm khulung temnef.

Kem Udél Hlalak Tehe Selumun 8:17

Bong nawaw du kihu tau kembong nawa do ne kihu tau hol mebel do tonen o.

Tekang Kbuten 26:32

Bè yóm kdaw yó, sut se yó kem tóbóng lówó Isak ne tulón le ke Isak yóm kokol lomi nokol le, mon le, “Deng wen él ton me.”

Kem Udél Hlalak Tehe Selumun 4:7

Yóm khulung hedem alì lemyu bè kdéen. Yó gónóm mon, hol hegna nwahem bè nawam yóm khulung hedem ne balù kihu dumu nwahem hol nam na hegna nwa yóm khulung temnef.