Kem Udél Hlalak Tehe Selumun 2:22 - Udél Dwata: Gna Kesfasad ne Lomi Kesfasad

²² Okóm yó kem tau gel mò sidek là kóen tahà ktau le. Kó Dwata lu te tonok lómón ke kemdut kluon.

Kem Udél Hlalak Tehe Selumun 2:22 Referans Kwoze

Kem Lingón 52:5

Okóm angat tek sulék keglà Dwata kóm, ne laen kô tul kegebtikem. Angat skoten uu bè gónóem, ngangen mò kóm efet kóhen uu lem blóng yó kem tau mowil talak tonok.

Kem Lingón 37:28

Yakà tey hyu nawa Dwata du yóm tedeng. Là kô bayaen kul yó kem tau teneb béléen ne laen dù sónen yóm tendo kofinen kul. Okóm yóm kul lugod yó kem tau gel mò sidek, angat hdó le lu ta yóm tonok yó.

Dwata 7:22

Ke deng ye kól ta yóm tonok blayen kuy, angat fen ninut lohen lu bélê ye yó kem tau gel knikò ye. Là hyuhen ke tódô sulék genlà ye lu abay se ke sulék genlà ye lu, ngem, gotu le mból yó kem ógóf lóbô lem bnes ne bè yó se gónó ye glayam.

Kem Udél Hlalak Tehe Selumun 10:30

Là kô le gdó du yóm tonok yó kem tau tedeng kmò le, okóm yó kem tau gel mò sidek là kô le gnô du.

Kem Lingón 145:20

Nofinen yó kem tau kembong nawa du, okóm fen genlaen yó kem tau gel mò sidek.

Kem Lingón 104:35

Yake gotu genlà Dwata lu yó kem tau gel mò salà lem benwu. Yake béen wen bud tebel bélê le. Hol hotuhu nawahu dmóyón ke Dwata. Hol dóyón tekuy dé Dwata.

Kem Lingón 37:22

Yó kem tau tnóbóng Dwata, gotu gfun le yóm tonok tehe fasaden kul. Okóm yó kem tau tnuleden, tódô hdó le lu ta yóm tonok yó.

Kem Lingón 37:20

Okóm yó kem tau mò sidek, là kóen tahà klowil le. Móyón le lana yó kem tau gel hmohon ke Dwata. Lómón klowil bulók lem bnes, ne lómón kebel ofi, là kóen legen ktonem kul.

Kem Udél Hlalak Tehe Selumun 11:3

Tendo le galak bè yóm ktedengen yó kem tau tedeng kmò le, okóm yó kem tau là gsalig kul bè yóm kul keseblékê, yó se heglà kul.

1 Bok Kem Tau Hol Geta 14:14

Angat wen sotu tau hol geta hwit Dwata mò mogot yó kem tau Israél. Du se angat gemlà kul yó kem fes lówó Jirubuam. Ne deng duhen ni se yóm nmò le nim kmoen ni.

1 Tutul Israél 10:13

Duhen yó, matay Sol lanen là mimón ke Dwata. Là kô nimónen du yóm hlau Dwata du, lelen mom mógów ebè yóm libun mton bù, snólóken béléen ke tedu tô nmoen,

Kem Lingón 52:7

“Tenngel ye dé yóm sendalù kemgis là snaligen ke Dwata mò mofin du. Mom snaligen yóm ali kwen kendengenen, ne deng mom temnù kbegelen lanen tendo gemlà yó kem dumuhen.”