Kem Udél Hlalak Tehe Selumun 2:21 - Udél Dwata: Gna Kesfasad ne Lomi Kesfasad

²¹ Yakà tek són yó kem tau tedeng kmò le gmuta du yóm kehyu nawa Dwata ebélê le ne lemwót bè yóm klaen dù belenen yóm kul kmò gónón tahà ktau le lem nim benwu ni.

Kem Udél Hlalak Tehe Selumun 2:21 Referans Kwoze

Kem Lingón 37:29

Yó tles mfun du, yó kem tau tedeng kmò le, ne laen dù sónen yóm knô le tahen.

Kem Lingón 37:9

Yó kem tau smalig ke Dwata, angat le gemfun bè yóm tonok tehe fasad Dwata kul. Okóm yó kem tau mò sidek, angat hdó le lu.

Kem Udél Hlalak Tehe Selumun 10:30

Là kô le gdó du yóm tonok yó kem tau tedeng kmò le, okóm yó kem tau gel mò sidek là kô le gnô du.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Job 42:12

Duhen yó, ya tey bud kuyag Dwata ke Job bè yóm dù kdawen mowil, mkay bè yóm gnahen he yóm bud któbóngen du ni. Yó bud kdê ubiha Job, botong sfolò fat libuhen ne nem libu kamélen ne lewu libu safien ne lemibu kudà asnuhen.

Kem Lingón 37:22

Yó kem tau tnóbóng Dwata, gotu gfun le yóm tonok tehe fasaden kul. Okóm yó kem tau tnuleden, tódô hdó le lu ta yóm tonok yó.

Kem Lingón 37:11

Okóm yó kem tau heglaan le knô le, gfun le yóm tonok tehe fasad Dwata kul, ne tilob kógów klowil le, ne tendo menek kbenwu le.

Kem Lingón 37:3

Holi smalig bè Dwata dé, ne nmoem yóm hyu. Tódói henek ta yóm tonok blay Dwata kóm, ne laen kô sembeweg kóm bè yó.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

Kem Udél Hlalak Tehe Selumun 28:10

Yóm tau snukaten yóm tau laen dù kéngen ebè yóm nmò sidek mom du bud tawan sukaten, okóm yóm tau laen dù belenen bong umunen.

Kem Lingón 37:18

Tendo sen-gifà Dwata yó kem tau mimón du, ne laen kô dù sónen kfun le du yóm tonok tehe fasaden kul.