Kem Udél Hlalak Tehe Selumun 2:13 - Udél Dwata: Gna Kesfasad ne Lomi Kesfasad

¹³ ne bè yó kem tau deng kembê du yóm ktedeng kmò anì hlós klolò le du yóm sidek.

Kem Udél Hlalak Tehe Selumun 2:13 Referans Kwoze

Kem Udél Hlalak Tehe Selumun 4:19

Okóm yóm kul kmò kógów klowil yó kem tau gel mò sidek lómón ke són moen mget kkifuhen. Són mò le tlokob, okóm là kô ton le du yóm hetlokob kul.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

Kem Udél Hlalak Tehe Selumun 21:16

Yóm tau senyaten yóm lan ebè yóm khulung hedem mahil knóen bè kul gónó nô yó kem matay.

2 Timuti 4:10

Ke Dimas kun, deng mom tódô tnagaken ou lanen dê kenbeyen nawan lem nim benwu ni. Ne ni deng mom kól bè syudad Tisalunika. Lemwót ke Krésén, deng kól bè prubinsya Glasya, ne fen kól bè Dalmasya ke Taytus.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Kun Snulat Jan 1:6

Wen sotu tau hógów Dwata boluyen Jan, yóm Jan gel mabtays.

Sifanaya 1:6

Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

Isikél 18:26

Ke bud mom mò sidek yóm tau tedeng kmoen, angat kendel matay. Kaem bè yóm sidek deng gel nmoen yó lewót gónón matay.

Kem Lingón 82:5

Okóm yó kem tau hemgnok kul, laen kô dù tngón le. Là kô le hulung hedem. Hol lómón ke nô le lem kifu. Yó gónóm mon, là bud tonem du te tonok ne yóm tau tedeng kkukumen.

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

Kem Lingón 14:3

Okóm deng le mom gotu hetlas, hono sidek nmò le. Laen kô dù tonen bélê le ke tedeng nmoen, balù sotu.

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Isaya 59:8

Balù sotu ke wen tau menek nawahen ke nô ye lem blóng le, abay se là tedengen yóm kdê gel nmò ye ne là se tedengen yóm lan lolò ye. Ke wen tau lemolò du yóm kuy lan yó, bà udì ke wen kenek nawahen.