Kem Udél Hlalak Tehe Selumun 2:12 - Udél Dwata: Gna Kesfasad ne Lomi Kesfasad

¹² Kenlung le u bè yóm tau gel mò sidek ne bè yó kem tau mò tulón seblékê

Kem Udél Hlalak Tehe Selumun 2:12 Referans Kwoze

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

Kem Udél Hlalak Tehe Selumun 13:20

Baling hulung hedem se kun yóm tau tendo gel slomong yó kem tau hulung hedem, okóm yóm tau gel dnumuhen yó kem tau book hensideken knóen.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

Kul Nmò 20:30

Ne angat wen kdawen,” monen, “angat wen lemwót bè kuy kwen angat tmolok sekban, kóyô le ke gmung bélê le yó kem tau hemtahu.

Kem Udél Hlalak Tehe Selumun 9:6

Kó ye yóm là kngelem kehedem ye anì tahà ktau ye ne lolò ye kmò klan yóm khulung temnef.” Ni se koni yó kem udél yóm khulung hedem.

Kem Udél Hlalak Tehe Selumun 3:32

Yakà gel kenlit Dwata kul yó kem tau là tedeng kmò le, okóm sen-gbóten yó kem tau tedeng kmò le.

Kem Lingón 141:4

Hol kóhem yóm óyóu mò sidek, béem hlus o mung bè yó kem tau gel mò sidek, ne béem hlus o mung mken bélê le.

Kem Lingón 101:4

Kenbéu yó kem atul sidek nô lem hendem tau. Hnayuku yóm kdéen sidek.

Kem Udél Hlalak Tehe Selumun 6:12

Són tendo mò tulón seblékê bè lanen mógów yóm tau gel mò sidek, yóm tau laen dù gónón e kól.

Kem Udél Hlalak Tehe Selumun 10:32

Sok mudél yóm tau tedeng kmoen sal nan na hendem yóm knóón bè kem dumun, okóm yóm tau gel mò sidek sal gel seblékê kudélen.

Kem Udél Hlalak Tehe Selumun 23:33

Ne dê sidek glebed bè ketngelem ne là kô gtódóem du kmò khógówem kehedemem ne kestulónem.

Kem Udél Hlalak Tehe Selumun 28:26

Book yóm tau tódô doen yóm kun kehedem, okóm yóm tau hulung hedem gewà bè yóm sidek.