Kem Udél Hlalak Tehe Selumun 2:10 - Udél Dwata: Gna Kesfasad ne Lomi Kesfasad

¹⁰ Yakà balingen gnô lem nawam yóm khulung hedem ne hligali du yóm ketngónem.

Kem Udél Hlalak Tehe Selumun 2:10 Referans Kwoze

Jirimaya 15:16

Dengi mudél ebéléu ne gel hnungolu se yóm kdê udélem. Bè kóm udél se gónów gel hligal, yakà uu du se yóm Dwata laen dù là gbeken du ne kóm boluy yóm gel nwitu.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Kem Lingón 119:162

Ke hningónu yóm kehligalu bè yó kem fasadem do, lómón kehligal yóm tau mton yó kem kimu mebtes tehe bnos le.

Kem Lingón 104:34

Yake hol hyu nawa Dwata du yóm klingónu ebéléen, yakà lemwóten béléen yóm kligalu.

Kem Lingón 19:10

Tey kesgalu nawahu du yó kem hlau Dwata. Bong kesgaluhu kul he senta tahu blówón. Ke kenu yóm hlau Dwata, tey mi senta tneb.

Kem Lingón 119:111

Yó kem hlauhem, Dwata, yó se yóm dou nfun, ne laen kô dù sónen yóm kfunu du. Yó se gónón lemwót kligalu.

Kem Udél Hlalak Tehe Selumun 14:33

Yóm khulung hedem tódô henek lem but blutut yóm tau hulung temnef, okóm yóm tau book là kô tngónen du kun.

Kem Lingón 119:103

Kehlingónu du yóm gel hloloem kum, tey mi senta tneb.

Kem Lingón 119:97

Tey kbong nawaw du yó kem hlauhem, Dwata, seflósu kdaw tendo hemdem kul.

Kem Udél Hlalak Tehe Selumun 1:4

Ni kem ni, benlayen lu khulung milô yó kem tau là ngelem kehedem le ne yó kem lomi lemnok benlayen lu ketngón ne yóm khulung le mit du hyu yóm kul kmò.

Kem Udél Hlalak Tehe Selumun 22:18

Yakà teyen hyu nawahem du ke hol suem lem hendemem ne ke gbekem bud tmulón du bè kem dumum.

Kem Udél Hlalak Tehe Selumun 4:6

Béem kó bè nawahem yóm khulung hedem; yó se yóm semgyok kóm. Hol hnóem du nawam ne yó se mentey kóm.