Kem Udél Hlalak Tehe Selumun 19:8 - Udél Dwata: Gna Kesfasad ne Lomi Kesfasad

⁸ Yóm tau ma yóm khulung hedem henyuhen klowilen ne yóm tau hol msù du bè nawahen yóm khulung temnef, hyu klowilen.

Kem Udél Hlalak Tehe Selumun 19:8 Referans Kwoze

Kem Udél Hlalak Tehe Selumun 16:20

Yóm tau kenmónen yóm udél Dwata, tey hyu klowilen ne yóm tau smalig béléen wen kligalen.

Kem Udél Hlalak Tehe Selumun 3:18

Yó gónón tahà ktauhen yóm tau lanen mmu yóm khulung hedem ne tey hyu nawan yóm tau mgen du.

Kem Udél Hlalak Tehe Selumun 4:6

Béem kó bè nawahem yóm khulung hedem; yó se yóm semgyok kóm. Hol hnóem du nawam ne yó se mentey kóm.

1 Pitér 3:10

Hol lómón yóm monen bè Sulat Dwata, yóm monen, “Yóm tau ke nóyóen yóm kehyu klowilen ne yóm kwen kligalen, yake nafasen ksumóngen, ne béen abay tmulón kéng.

Kun Snulat Jan 14:21

Yó se tau hemmóyô du yóm dou hlau ne mimón du, yó se yóm tau kembong nawa do. Ne angat kenbong nawa Mà snéen kun yóm tau kembong nawa do yó. Tey kbong nawahu du snéen dou, ne angate hegfan béléen.”

Kem Udél Hlalak Tehe Selumun 22:18

Yakà teyen hyu nawahem du ke hol suem lem hendemem ne ke gbekem bud tmulón du bè kem dumum.

Kem Udél Hlalak Tehe Selumun 17:16

Yóm tau book laen dù ofolen mamà filak bè yóm knagien yakem wen se óyóen dmalang.

Kem Udél Hlalak Tehe Selumun 4:21

Béem kó te henmuem ni kem ni ne hol suem lem hendemem.

Kem Udél Hlalak Tehe Selumun 4:4

gel tolok mà do, monen, “Hol suem lem hendemem yó kem hlolou kóm ne hol nimónem anì tahà ktauhem.

Kem Udél Hlalak Tehe Selumun 3:21

Ó Man, hol suem bè nawam yóm khulungem hedem ne yóm khulungem mit du hyu yóm kmoem. Hol béem tnagaw nawa anì là lana le béléem.

Kem Lingón 19:11

Yó kem hlau yó mò eles gel hetgama dou. Tey ofolu bè yóm gel kimónu du.

Kun Snulat Jan 12:25

Yóm tau, ke són ktesen yóm klowilen te tonok, angat lanahen yóm klowilen yó. Okóm yóm tau ke là ktesen du yóm klowilen te tonok, angat gutahen yóm klowil laen dù tul sónen.

Isikél 36:26

Angat wen lomi nawa blayu kuy ne suu bélê ye yóm óyô mò du yóm hyu. Kóhu bélê ye yóm nawa kembel, tlesu du yóm nawa gulit.

Kem Udél Hlalak Tehe Selumun 19:9

Yóm tau tmifù kéng là kô lugun du là tnafak ne yóm tau lemgas yóm kéng hukolen klowilen.

Kem Udél Hlalak Tehe Selumun 3:22

Yakà lu du gónón lemwót hyu klowilem ne heklóón yóm kóm kmò.