Kem Udél Hlalak Tehe Selumun 19:5 - Udél Dwata: Gna Kesfasad ne Lomi Kesfasad

⁵ Yóm tau tmifù kéng là kô lugun du là tnafak ne yóm tau lemgas yóm kéng là kóen gewà lem tafak.

Kem Udél Hlalak Tehe Selumun 19:5 Referans Kwoze

Kem Udél Hlalak Tehe Selumun 21:28

Yóm tau gel tmifù kéng là kô gel hentahu le du, okóm yóm tau mudél mlan bè ktahuhen mekteng kungol le du.

Kem Udél Hlalak Tehe Selumun 19:9

Yóm tau tmifù kéng là kô lugun du là tnafak ne yóm tau lemgas yóm kéng hukolen klowilen.

Kem Udél Hlalak Tehe Selumun 6:19

Gnemen yóm tmifù kéng ne ghituhen yóm tau hesfatayen kem dumu tau.

Danyél 6:24

Omin yóm tau hol geta gotu hekfô yó kem tau tehe alì tmifù ke Danyél. Gotu bud tles boten lu elem yóm sol gónó le kmukub yó kem liyun, mung kul kem yehen le ne kem ngà le. Là kô le deng gefet ditu laan deng sana sensegaf nsék le lu yó kem liyun, tódô gotu nkeb le kem tiol le.

Dwata 5:11

Bê ye tódô fà moluy du yóm dou boluy. Yakà ou du yóm sana kuy Dwata hol gónó mogot. Tnafaku yóm tau tódô faen moluy du yóm dou boluy.

1 Bok Kem Tau Hol Geta 2:9

Okóm yóm safà yó, sundu mon ke laen dù salaen. Tauhi hulung hedem se kóm, tngónem yóm angat kmò khatayem du.”

1 Bok Kem Tau Hol Geta 13:18

Okóm yó balaen du yóm tugod Dwata deng tuha yó, monen, “Tugode Dwata se do, lómón yóm kóm. Deng wen tulónen do yóm hógów Dwata, monen, ‘Nwitem ebè gónóem yóm tau Dwata anì henkenem ne hinumem él.’ ” Okóm kéng yóm tulónen yó.

Kem Lingón 56:7

Hol bnelesem lu bè yóm sidek nmò le. Mlan bè kebutem, Dwata, hol genlaem lu.

Kem Udél Hlalak Tehe Selumun 14:5

Là kóen tmulón kéng yóm tau ke gel tahu yóm tifuen, okóm yóm tau gel tmifù kéng, sal kéng se yóm gel tulónen.

Kehewà 20:16

Bê ye abay tnifù kéng kem dumu ye.

Kem Udél Hlalak Tehe Selumun 14:25

Yóm tau gel tmifù yóm tahu hegewaen kem dumu tau, okóm yóm tau gel tmifù kéng hfatayen kem dumu tau.