Kem Udél Hlalak Tehe Selumun 19:11 - Udél Dwata: Gna Kesfasad ne Lomi Kesfasad

¹¹ Yóm khulung tau hedem bemlay du kanay nawa, ke gemsalà le béléen yó kem dumu tau tódô hnifóten, yó se gónón megdóyón.

Kem Udél Hlalak Tehe Selumun 19:11 Referans Kwoze

Kem Udél Hlalak Tehe Selumun 16:32

Mom hyu he yóm tau là mahilen lembut senta yóm tau hulung mit sfatay ne hyu he yóm tau hulung mafas nawa senta yóm tau mled benwu bong.

Kem Udél Hlalak Tehe Selumun 14:29

Yóm tau là mahilen lembut tey hulung temnef, okóm yóm tau sunget mahil gemsalà.

Sulat Jim 1:19

Ni mò hendem ye, kem dumuhu sogot nawa. Yake hol ye hulung hmungol, yóm ket kuy na sotu. Bê ye tódô fà mudél, ne bê ye gel mahil lembut.

Kem Udél Hlalak Tehe Selumun 15:18

Yóm tau sunget són moen mit sbólów bè kem dumu tau, okóm yóm tau là mahilen lembut fen gel senfyuhen yó kem tau sbólów.

Kem Udél Hlalak Tehe Selumun 12:16

Mahil dilô yóm kun kebut yóm tau book, okóm yóm tau hulung milô, tódô kem bayaen ke wen tô hemyak du hekawang.

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

Kem Udél Hlalak Tehe Selumun 20:3

Megdóyón yóm tau là miten sbólów, okóm sok fes tau book sal gel mit sgés.

Kem Udél Hlalak Tehe Selumun 25:21

Ke bitil yóm hohonem, henkenem ne ke meeng, hinumem.

Kem Udél Hlalak Tehe Selumun 17:14

Yóm kbut yóm kesbólów hol lómón ke gónón msut yóm busung él, yó gónóm mon eles nseng anì là lembéten.

2 Bok Kem Tau Hol Geta 5:12

Igoen yó he yó kem él bè Damaskus, yóm Él Abana ne Él Farfar, tey hyu senta yó kem kdéen él bè Israél. Tumù nawaw dyo ditu anì mkó yóm desu.” Duhen yó, tódô lemwót Naaman, ne tey kebuten.

Kem Udél Hlalak Tehe Selumun 11:13

Yóm tau gel semtebong sal bud gel tulónen yóm lifut tulón du, okóm yóm tau gsalig là kô bud gel sentebongen du.

Kem Udél Hlalak Tehe Selumun 29:11

Yóm tau book là kô gafasen du kebuten, okóm yóm tau hulung hedem gel nafasen nawan.

Kem Udél Hlalak Tehe Selumun 20:22

Béem abay mon, “Melese se dou.” Nam na hatan kun kmò du Dwata, du he tmóbóng kóm.