Kem Udél Hlalak Tehe Selumun 18:4 - Udél Dwata: Gna Kesfasad ne Lomi Kesfasad

⁴ Yó kem udél yóm tau hulung hedem gónó le lemwót hulung hedem yó kem dumu tau, yóm kngelem yóm kun udél lómón ke mohin ne yóm kehyuhen lómón ke él mlel.

Kem Udél Hlalak Tehe Selumun 18:4 Referans Kwoze

Kem Udél Hlalak Tehe Selumun 20:5

Yóm kngelem yó kem atul nô lem hendem tau lómón yóm linu alì nelem, okóm yóm tau alì hulung temnef tngónen bè ketdeken du.

Kem Udél Hlalak Tehe Selumun 10:11

Yóm kun kudél yóm tau tedeng kmoen, ten-gelen nawa kem dumun tau, okóm yóm kun kudél yóm tau gel mò sidek gónón gebnos yóm alì ksidek nmoen.

Kulasi 4:6

Hol gel hninggel ye kmò kestulón ye bélê le anì wen gónó le beyen hmungol kuy. Hol tekuy hfulung malà kul ke wen snólók le.

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Kem Udél Hlalak Tehe Selumun 13:14

Lenowilen kem dumu tau yóm kun tolok yóm tau hulung hedem, anì gkogol le yó kem nmò mit kul e lem hatay.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Matyu 12:34

Ya nim yu kem tau, knawa ye ulal. Yó gónón sidek kebkó ye, abay se hono sidek yóm nô lem hendem ye. Yó se nô lem hendem yóm tau, yó se sut bè sumóngen.

Kem Lingón 78:2

Yakà hlanu du bè hlingón yó kem tulónu kuy. Tulónu kuy yóm gebnos bélê tekuy là sekna,

Kem Udél Hlalak Tehe Selumun 16:22

Yóm tau hulung hedem, lemwót bè yóm khulungen hedem gónón mowil, okóm yóm tau book, bè yóm kbooken gónón megtafak.

Kem Udél Hlalak Tehe Selumun 18:3

Sok wen yóm nmò sidek bud bè yó se gónón wen sedekà sok laen bud sadat mung du se yóm kesefyak.