Kem Udél Hlalak Tehe Selumun 18:2 - Udél Dwata: Gna Kesfasad ne Lomi Kesfasad

² Yóm tau book laen dù kligalen du kun yóm khulung temnef, okóm són hnigal tulónen yóm kun kehedem.

Kem Udél Hlalak Tehe Selumun 18:2 Referans Kwoze

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.

Kem Udél Hlalak Tehe Selumun 12:23

Yóm tau hulung milô là kô saluen du ketngónen, okóm yóm tau book mom gfan bè kudélen yóm kbooken.

Kem Udél Hlalak Tehe Selumun 17:16

Yóm tau book laen dù ofolen mamà filak bè yóm knagien yakem wen se óyóen dmalang.

Kem Udél Hlalak Tehe Selumun 13:16

Sal na le eles hendem kdê nmò le yó kem tau hulung milô, okóm yó kem tau book mom hegfan le yóm kbook le.

1 Kurin 8:1

Bong bè yóm deng snólók ye bè yóm ken deng dsù bè dwata kéng, ni se balau du. Tahu se yóm mon le, “Kdê tekuy se temngón du nim snólók le ni.” Ke lómón yó se kmoen, hol ten-gama ye, kô niten yu heklabak yóm ketngón ye yó. Okóm gel mlan bè yóm kbong nawa tekuy kem dumu tekuy hemtahu gónó tekuy temgel kul bè kehtahu le.

Flipay 1:15

Bè ktahuhen, wen se bélê le hból du yóm boluy Krays lemwót bè kélés nawa le mò gónó le tô gemgatù do. Okóm wen se hból du lemwót bè kehyu kehedem le ebéléu.

1 Kurin 14:12

Bélê ye se kuy, ke yó hol kóyô ye ke wen kenhulung blayen kuy yóm Tulus Dwata, yake hol sen-galu ye dé yóm kenhulung mò gónó ye tmóbóng kem dumu ye bè kehtahu le.

Matyu 8:34

Mung kungol le du yó kem tau bè yóm benwu yó, tódô le gotu sguku ebè Jisas. Timbow le ston du, tey kehkodu le béléen anì tnagaken yóm benwu le.

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Kem Udél Hlalak Tehe Selumun 18:3

Sok wen yóm nmò sidek bud bè yó se gónón wen sedekà sok laen bud sadat mung du se yóm kesefyak.