Kem Udél Hlalak Tehe Selumun 18:1 - Udél Dwata: Gna Kesfasad ne Lomi Kesfasad

¹ Yóm tau là hulungen swè olohen hemdem yóm kun knô ne gel hnebelen lanen sembólów kdê yó kem nmò tedeng.

Kem Udél Hlalak Tehe Selumun 18:1 Referans Kwoze

Kem Udél Hlalak Tehe Selumun 20:3

Megdóyón yóm tau là miten sbólów, okóm sok fes tau book sal gel mit sgés.

Jirimaya 15:17

Là kô deng namau du udasu bè yó kem dumu tau bè yóm gel kehligal le. Lemwót bè kimónu yóm hmoem dou, laen kô dù dumuhu balù sotu. Ne gele lembut bè yó kem sidek gel nmò le.

Kem Udél Hlalak Tehe Selumun 24:21

Ó Man, hol knikoem Dwata ne yóm tau hol geta béléem ne béi segbót bè yó kem tau hguluk bélê le.

Sulat Jud 1:19

Yó kem tau mon le yó, lu se gónón lemwót kesgólól nawa yó kem tau hemtahu. Tódô nmung le yóm kul knóyô lówó. Là kóen nô bélê le yóm kun Tulus Dwata.

Mark 1:35

Timbow deng hayahen bè yó, hanà tolo kifu sana btik Jisas nan e mebel gónón tinof mò gónón mni ebè Dwata, bede malù mayuk yóm gónón e solu.

Kem Udél Hlalak Tehe Selumun 14:10

Tódô ket tau gemnóm du yóm kun ksidek nawa ne yóm kun kligal ne laen dù dumu tau gemnóm du.

Matyu 13:44

“Sotu gónó tekuy e hmingón du yóm kogot Dwata tau,” mon Jisas, “hol lómón ke yóm kimu labi deng tódô ton yóm sotu tau talak yóm dnadu, yóm kimu tehe lebeng yó kem tau gnan ekni. Bè yóm ktonen du, bud lebengen se kun. Ya tey kligalen mulék. Tódô gotu himot hbaluen yó kem kdê nô béléen anì geblihen yóm tonok gónón mton yóm kimu labi.”

Kem Udél Hlalak Tehe Selumun 26:17

Yóm tau tódô gbót bè yóm kesbólów laen dù kun du wen gfaen lómón kwen gfaen yóm tau kemfô ohu ke nogoten bè klinguhen.

Kehewà 33:16

Tô kmò ketngón kem tau du se yóm tey kehyu nawam ebè yó kem tauhem ne ebéléu ke là mungi kum? Lemwót bè yóm kmungem kum gónó me stólóng bè kdéen tau te tonok.”

Kem Udél Hlalak Tehe Selumun 20:19

Yóm tau lemnek ksumóngen gel tulónen yóm lifut tulón du, yó gónóm mon béi segbót bè yóm tau tódô faen kudélen.

Kem Udél Hlalak Tehe Selumun 17:14

Yóm kbut yóm kesbólów hol lómón ke gónón msut yóm busung él, yó gónóm mon eles nseng anì là lembéten.

Sulat Pol Ebè Yó Kem Tau Hemtahu Bè Rom 1:1

Ou se Pol yóm smulat ebélê ye ni, yóm sotu tau gel tóbóng lówó Krays Jisas. Deng nélék Dwata ou, ne deng tnabahen o mò gel hógówen mit yóm Tulón Hyu lemwót gu béléen.

Mark 4:11

Mon Jisas mò kul, “Wen yóm là heglileb Dwata du bè yó kem dumu tau bè yóm kmò kogoten tau, okóm deng heglileben kuy. Bong bè yó kem dumu tau, mlan bè hlingón yóm gel ktoloku kul.

Matyu 13:11

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben bélê ye.

2 Kurin 6:17

Duhen yó, bud mon yóm gónó tekuy mogot, “Hol ye hlayuk bè yó kem hemtahu bè dwata kéng. Htólóng ye yóm kuy klan. Hol bê ye abay bud nmò yóm là mólósen. Ke ni se nmò ye, angat henmóyóu yu.

Sikaraya 7:3

Ne wen snólók le bè yó kem tau gel blóng ebè yóm sana Dwata laen dù là gbeken du ne bè yó kem tugod Dwata bè yó. Yó snólók le, “Tódô henlel me kô langag ne fasting bè yóm glimuhen bulón bud kehtulón du nawa yóm tehe kegbà yóm Gónô Dwata, lómón yóm deng gel nmò me lem yóm hilu halay?”

Kem Udél Hlalak Tehe Selumun 3:21

Ó Man, hol suem bè nawam yóm khulungem hedem ne yóm khulungem mit du hyu yóm kmoem. Hol béem tnagaw nawa anì là lana le béléem.

Kem Udél Hlalak Tehe Selumun 8:14

Béléu se gónón gu yó kem atul hyu ne khulung mit du hyu yóm kmò ktau. Ne bud ou se gónón gu yóm khulung temnef ne kfasang.