Kem Udél Hlalak Tehe Selumun 17:9 - Udél Dwata: Gna Kesfasad ne Lomi Kesfasad

⁹ Yóm tau tódô hnifóten yóm gemsalà béléen hnebelen yóm kesbong nawa, okóm yóm tau són moen bud mtóng du yóm gemsalà béléen senkóhen yóm keswè.

Kem Udél Hlalak Tehe Selumun 17:9 Referans Kwoze

Kem Udél Hlalak Tehe Selumun 10:12

Yóm utó nawa tau tendo gónón lemwót yóm kesbólów, okóm yóm tau kenbong nawan kem dumun tódô hnifóten yó kem salà le.

1 Pitér 4:8

Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.

Kem Udél Hlalak Tehe Selumun 16:28

Yóm tau seblékê kestulónen són moen mit sbólów ne yóm tau lemnek ksumóngen senklahen yó kem tau swè.

Kem Lingón 32:1

Hligal le kul yó kem tau deng hnifót Dwata bélê le yó kem salà le, ne ke là bud hendem Dwata du yó kem deng tehe gónó le mulé du.

1 Kurin 13:4

Ke wen kesbong tekuy nawa, kaem manay nawa tekuy bè kem dumu tekuy, ne hyu kmò tekuy ebélê le. Là kô nmò tekuy du yóm sélés nawa ne yóm heklabak ne yóm kehegmón.

Sulat Jim 5:20

Ni mò hol hendem ye. Yóm tau tmóbóng du yóm tau hetlas yó, du se deng mò lanen gewà yóm tau yó, ne gbek Dwata hmifót du yóm kdê salaen.

Kem Udél Hlalak Tehe Selumun 17:10

Yóm tau hulung temnef anien ke tek sulék mólów du sana kwen dnalangen senta yóm tau book baluen ke lematu dulék moug du.