Kem Udél Hlalak Tehe Selumun 17:8 - Udél Dwata: Gna Kesfasad ne Lomi Kesfasad

⁸ Yóm tau bemlay yóm kimu mò wa nawa, hol lómón ke bulung wen ktueden bè ktonen du yóm tau bemlay du, abay se balù kihu tau gónón e bemlay du sal gel gutahen yóm nóyóen du.

Kem Udél Hlalak Tehe Selumun 17:8 Referans Kwoze

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Isaya 1:23

Yó kem tau malak kóm hono tau kmogol ke Dwata, swè le bè yó kem tau mnagaw. Sal gel henmóyô le yóm filak gel blay le kul mò wa nawa le dalang se yó kem dumu gel blay le kul. Ke wen senkukum le, là kô nfi le kul yó kem ngà hikit ne là kô hnungol le du ke wen klamo yó kem libun bolu.

Kem Udél Hlalak Tehe Selumun 21:14

Yóm kimu lifut blay hebóhen lebut ne yóm kimu mò wa nawa lifut blay, hkóhen yóm sidek kebut.

Kem Udél Hlalak Tehe Selumun 17:23

Yóm tau gel mò sidek gel henmóyóen yóm kimu lifut blay le du anì nfihen yóm là tedengen.

1 Samwél 25:35

Omin Dabid hemmóyô yó kem basahen du, ne monen mò du, “Muléki ebè gónóem, Dwata he henek nawahem. Deng gungolu yóm monem ne nmou yóm nóyóem.”

Tekang Kbuten 43:11

Ne mon mà le se mò kul, “Ke lómón se yó kmoen, lemwót ye sen. Bede mit ye yó kem hyu bélê tekuy bè ni mò basa ye tum gubérnor tu. Mit ye béléen yóm litok koyu alì tilob boohen ne wen tneben ne wen yó kem dê kay som ne wen kem bungu koyu ken lemen lemwót bè yó kem koyu pistasyu ne koyu almun.

Kem Lingón 29:4

Tey mfasang yóm kudél Dwata, yóm kudél yóm Dwata alì geta.

Kem Lingón 21:13

Tey kdóyón me kóm, Dwata, bè yóm tey kekgisem. Sngal me ne dóyón me yóm tey kfasangem.

Kem Lingón 19:6

Yóm kógówen, lenwóten fi dmata kdaw kól desdef. Laen kô gónón glilung yóm kkinien.

Kem Lingón 18:16

Sigelen se mogot dou lemwót gu ta, ne nkayen ou gu lem yóm tey él nelem.

Tekang Kbuten 32:21

Duhen yó, gna hwiten yó kem mò blayen ke Iso, okóm kun fen tebel bè yóm gónó le kmamfù bè yóm kifu yó.

Kem Udél Hlalak Tehe Selumun 18:16

Yóm basa hennasen lan yóm tau bemlay ne niten bè solu yó kem tau bong boluy le.