Kem Udél Hlalak Tehe Selumun 17:5 - Udél Dwata: Gna Kesfasad ne Lomi Kesfasad

⁵ Yóm tau sendekaen yóm tau élél, tnondohen yóm Dwata deng tehe mò kul ne yóm tau hnigalen yóm glumfak sut bè dumun tau, là kô lugun Dwata du là tnafak.

Kem Udél Hlalak Tehe Selumun 17:5 Referans Kwoze

Kem Udél Hlalak Tehe Selumun 14:31

Yóm tau hen-gnoken yóm tau élél, tnondohen yóm Dwata deng tehe mò du, okóm yóm tau knoduhen yóm tau élél, megdóyón béléen Dwata.

1 Jan 3:17

Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Job 31:29

Ne sotuhen, ke tonu kegbà klowil yó kem hohonu, duhen ke wen dumu glumfak le, là gele hligal se do.

Kem Udél Hlalak Tehe Selumun 14:21

Wen salaen yóm tau sendekaen yó kem dumun tau, okóm hligal yóm tau knoduhen yó kem tau élél.

Sulat Pol Ebè Yó Kem Tau Hemtahu Bè Rom 12:15

Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

Jirimaya 17:16

Ó Dwata, là kô bayau du yóm hmoem dou ni. Lómón ke ou yóm tau semgyok ubiha, sen-gyoku yó kem tauhem. Là kô nubugu kóm se anì wen hlayam hwitem ebélê le. Kaem kóm udél se yóm tendo tulónu kul, là kô dou udél du.

Kem Lingón 69:9

Tey kkinì nawahu edu yóm Gónóem, Dwata, lómó kegnómu du, hol lómón ke ofi temluk lem kfuhu. Fen tódô ebéléu yóm kehnê le kóm yó kem tau.

Ubadaya 1:16

Lómón yóm deng kinum ye yóm ninum héét ta yóm dou bulul lan ye hligal bè yóm deng kegmò ye, angat milud senta yó he khééten yóm bud hinumu kuy bè yóm ktafaku kuy dalang se yó kem tólóng benwu hmilol kuy, bè yóm ktafaku yóm kdê ye. Ngangu hinum kuy efet là bud ye gógów ne efet ye gotu lana lem benwu lómón ke là tehe ye tau.”

Ubadaya 1:10

“Yó gónó le mò du bélê ye yóm yó, lemwót bè yóm alì kehsidek ye yó kem dumu ye setwoli sfu Jakub. Yó mò kuy angat tey sidek kyak ye, tódô ye sulék meglà ne laen kô dù tul sónen.