Kem Udél Hlalak Tehe Selumun 17:1 - Udél Dwata: Gna Kesfasad ne Lomi Kesfasad

¹ Mom hyu he mken yóm ken deng kefel ke mung du yóm kenek nawa senta yóm mung bè yóm mò ken bong wen sbólów du.

Kem Udél Hlalak Tehe Selumun 17:1 Referans Kwoze

Kem Udél Hlalak Tehe Selumun 15:17

Mom hyu he yóm mutón lemnaw ke mung du yóm kesbong nawa, olo yóm mutón tahu utón ke wen sutó nawa mung du.

Kem Udél Hlalak Tehe Selumun 21:19

Mom hyu he ke nô bè benwu laen dù menwu du yóm tau senta ke setnù le tuha libunen yóm gel mit du sgés ne lembut du.

Kem Lingón 37:16

Mom hyu he yóm tau hyu kmoen ne tek udì kimuhen senta yóm tau mò sidek ne tey bong kimuhen.

Kem Udél Hlalak Tehe Selumun 21:9

Mom hyu he ke nô te hatal yóm tau, senta ke setnù le tuha libunen yóm gel mit du sgés lem gónô.

Kem Udél Hlalak Tehe Selumun 7:14

“Kemdaw eginu yóm kedsuu bè yóm fasadu ke Dwata ne deng wen ken nmou bè gónô.

Kem Udél Hlalak Tehe Selumun 17:2

Lemwót bè yóm khulungen hedem yóm hesek, gónón mom baling kmulu béléen yó kem ngaen logi là gulit yóm amohen. Ne lemwót bè yóm khulungen hedem yó gónón gomong gumun bè kdê kendengen yóm amohen.

Kem Udél Hlalak Tehe Selumun 15:16

Mom hyu he yóm tau ke laen hol gónón ma ke wen klikoen ke Dwata, senta yóm tau alì bong kendengenen mit du glayam.

Kem Udél Hlalak Tehe Selumun 16:8

Mom hyu he yóm tau udì gutahen ne tedeng bè Dwata senta yóm tau alì bong gutahen mlan bè là ktedengen.