Kem Udél Hlalak Tehe Selumun 16:6 - Udél Dwata: Gna Kesfasad ne Lomi Kesfasad

⁶ Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.

Kem Udél Hlalak Tehe Selumun 16:6 Referans Kwoze

Kem Udél Hlalak Tehe Selumun 14:16

Yóm tau hulung hedem eles mabung ne knogolen yóm sidek, okóm yóm tau book tey kosut nawahen ne tódô doen ktauhen.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Kun Snulat Luk 11:41

Yó dé hyu, olò bnasa ye lu tu kem élél mò balà yóm hyu gel hton ye ta.

Kem Udél Hlalak Tehe Selumun 14:27

Yóm klikò tau ke Dwata gónó le tendo lemowil anì gkogol le yó kem nmò mit kul e lem hatay.

Kem Udél Hlalak Tehe Selumun 8:13

Yóm tau kmikò ke Dwata hol knutó nawahen yóm sidek. Dalang se do, knutó nawahu yóm kehegmón ne yóm keheklabak. Knutó nawahu snéen yó kem nmò sidek ne yó kem mò udél seblékê.

Kem Udél Hlalak Tehe Selumun 20:28

Yóm kogot nawa ne yóm kteneb yó se mit du hyu knóen yóm tau hol geta ne yóm kun ktedeng yóm hembegel du yóm kun kogot.

Kul Nmò 15:9

Laen kô gónó Dwata semtólóng tekuy bélê le. Deng hnifóten salà le lemwót bè yóm deng kehtahu le bè Jisas.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Ifisus 5:21

Hol tekuy hfulung heglaan bè kem dumu tekuy lemwót bè kadat tekuy ke Krays.

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Kem Lingón 85:10

Deng le slomong ne yóm kbong nawa là monolen ne yóm ktahuhen. Deng le sebkes yóm tedeng ne yóm kenek nawa.

Tekang Kbuten 20:11

Bnalà Abraham, monen, “Yó gónóhu mò du nim ni, abay se yó hendemu, ‘Laen kô dù klikò le ke Dwata ni kem tau bè nim benwu ni. Angat hnatay le ou anì gwa le nim yehenu.’

Kehewà 1:17

Okóm ni kem libun mwa ngà ni, wen klikò le ke Dwata. Là kô nimón le du yóm udél Faro ebélê le yó. Mom hlowil le lu yó kem ngà logi lomi sut.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

Kem Udél Hlalak Tehe Selumun 3:7

Béem tô hendem deng tey bong ne dou khulung hedem. Yake hol knikoem Dwata ne béi bud mò sidek.

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Dwata 30:13

Là se kóen nô sentu mohin anì wen lasun ye mon du, ‘Laen kô dù tau gembek mifal etu mò na a mit du ebélê tekuy anì gungol ne mò kut nimón.’

Kem Udél Hlalak Tehe Selumun 3:3

Hol béem abay kó bè kmoem yóm kogot nawam bè Dwata. Eles tendo suem te henmuem ne lem hendemem.

Kem Udél Hlalak Tehe Selumun 14:2

Knikoen Dwata yóm tau tedeng kmoen, okóm là kun yóm tau sigol kehedemen mom sendekaen.

Danyél 4:24

Yó se hnigaden yóm knahem, ne angat hdohò Dwata etahem nim kukumen kóm ni, yóm Dwata hol geta bè kdéen.