Kem Udél Hlalak Tehe Selumun 16:4 - Udél Dwata: Gna Kesfasad ne Lomi Kesfasad

⁴ Bè kdê deng nmò Dwata sal gel wen oluhen kul balù yó kem tau gel mò sidek deng oluhen kul yóm kdaw ktafak.

Kem Udél Hlalak Tehe Selumun 16:4 Referans Kwoze

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

Sulat Pol Ebè Yó Kem Tau Hemtahu Bè Rom 9:22

Senged se bè Dwata, ke kun kóyô htonen yóm tey kebuten ne yóm kegbeken bè yó kem tau gel mulé du, duhen ke nan bud hanay nawahen ebélê le, balù yóm deng kegtuled le.

Isaya 43:21

Lu se yó kem tau deng nmou mò hol dou tau. Angat tey kdóyón le dou mlan bè kesngal le.”

Isaya 43:7

Lu se yó kem hol dou tau. Deng nmou lu mò gónóhu hol megdóyón.”

1 Pitér 2:8

Ne wen sotu monen bè Sulat Dwata, yó monen, “Yó se yóm botu angat geslob yó kem tau, ne hlós le tlokob du.” Tahu se yóm yó. Tlokob le du lemwót bè yóm là kimón le du yóm Udél Dwata. Tu se tehe eles olu Dwata ebè yó kem tau là mimón le.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Sulat Pol Ebè Yó Kem Tau Hemtahu Bè Rom 11:36

Abay se kdéen ton, gotu dlimun Dwata. Ke là wen du, laen kô dù mowil. Ne yóm kentihen deng dlimunen yó mò hol gónón megdóyón. Bê tekuy lensón yóm kdóyón tekuy du.

Deng Hegfan 4:11

“Tek són u yóm kum gónó mogot, yóm kum Dwata. Uu se yóm knóón bang sendóyón lemwót bè kegetahem ne lemwót bè kfasangem. Yakà uu du yóm deng dmimun yóm kentihen, ne tódô lemwót bè kóm kóyô yóm kedlimunem kul, ne yóm kehlowilem kul.”

Tekang Kbuten 1:31

Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Kehewà 9:16

Okóm là, naw hlowilu uu mò gónóm mton du yóm kfasangu anì yó, mból bè klamangen benwu yóm dou boluy.

Kem Udél Hlalak Tehe Selumun 16:5

Tey keklit Dwata du yóm keheklabak tau. Ngem, là kô lugun Dwata du là tnafak yóm tau heklabak.

Kehedem Tau Tmolok 3:11

Deng tilob kmò Dwata du yóm kdê nmoen bè yóm kul kdaw. Deng eles suen bè nawa tau yóm óyô temngón du yóm mò kmoen elem hulin kdaw, ewenem yó, là kô tngón tau du yóm kdê nmò Dwata kewóten bè kbuten efet kól bè sónen.