Kem Udél Hlalak Tehe Selumun 16:1 - Udél Dwata: Gna Kesfasad ne Lomi Kesfasad

¹ Lem hendem tau gónón lemwót yó kem atul, okóm Dwata yóm bemlay du kegbek hembaling du.

Kem Udél Hlalak Tehe Selumun 16:1 Referans Kwoze

Kem Udél Hlalak Tehe Selumun 19:21

Tey dê yó kem atul nô lem hendem tau, okóm són yóm kun kóyô Dwata baling du.

Kem Udél Hlalak Tehe Selumun 16:9

Yóm tau, du fen matul hemdem mò du yóm kun kmò klan, okóm Dwata fen malak du bè yóm kmoen du.

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Kem Udél Hlalak Tehe Selumun 20:24

Deng eles natul Dwata yóm kun kmò kógów klowil yóm tau, okóm là kô tngón tau du yóm kun kógów klowil.

Jirimaya 10:23

Ó Dwata, tngónu se yóm klowil tau là kô kun du. Laen dù tau tódô gembek matul du yóm kun kmò klowil.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kem Lingón 119:36

Benlayem ou óyô mimón du yó kem hlauhem anì là kendengenu du yóm hnebelu.

Kehewà 4:15

Gbekem fen htugod du yóm nóyô monem. Tendo tnóbóngu yu lewu ye bè yóm kudél ye ne tulónu kuy yóm bang nmò ye.

Isra 7:27

Yó mon Isra, “Hol dóyón tekuy Dwata yóm sana Dwata hol gónó le mogot yó kem tehe fù tekuy. Tódô lemwót béléen nim nmò nim tau hol geta ni, yóm tey kadaten yóm Gónô Dwata bè Jirusalim.

Kem Lingón 10:17

Ó Dwata, deng eles tngónem yóm nefet nawa le yó kem tau laen dù gmò le. Henklinguhem yó kem hni le, ne henyuhem nawa le.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

2 Tutul Israél 18:31

Tahu se, tikóng ton le Jihusafat, leseken yóm nes bè yóm kegetahen, yó udél le hetê, mon le, “Deng duhen yóó yóm tau hol geta bè Israél,” ne omin le kemtes du. Okóm kendel lemangat htóbóng ebè Dwata Jihusafat anì lenwaen, ne tahu se, tnóbóng Dwata ne là henlós nundug le du.

2 Kurin 8:16

Sotu gónóhu dmóyón ke Dwata, duhen bè yóm alì kegdufen ke Taytus mò fen tmóbóng kuy. Senged bè kum kehedem se yóm kun kehedem ebélê ye.

Kem Udél Hlalak Tehe Selumun 15:33

Lemwót bè yóm klikò tau ke Dwata gónón megtolok bè yóm khulung hedem ne là kô guta tau du yóm kegdóyón ke là nan na gna heglaan du knóen.

2 Samwél 7:5

“Lemwóti, wen htulónu kóm bè Dabid yóm tóbóng lówóhu, monem mò du, ‘Ni se udél Dwata ebéléem, Uu kô hemdà béléu gónô mò gónóhu nô?