Kem Udél Hlalak Tehe Selumun 15:6 - Udél Dwata: Gna Kesfasad ne Lomi Kesfasad

⁶ Yóm tau tedeng kmoen tey wen kendengen lem gónóen, okóm yóm kun guta yóm tau gel mò sidek, tódô kmanas lemwót bè yó kem gfaen.

Kem Udél Hlalak Tehe Selumun 15:6 Referans Kwoze

Kem Udél Hlalak Tehe Selumun 8:21

Yó kem kembong nawa do sal gel blayu kul yóm mò kendengen le ne tódô hennoku kimu yóm gónô le.

Kem Udél Hlalak Tehe Selumun 21:20

Yóm tau hulung hedem tey mdengen kken le ne tey wen kimu mebtes nô bè gónô le, okóm yóm tau book tódô namaen hekawang yóm kun.

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Kem Lingón 112:3

Wen tey kendengen le ne laen kô dù kmifót du yó kem hyu gel nmò le.

Hibru 11:26

Hendemen mom hyu he kun ke henwog le lemwót bè yóm kehdónen yóm Misaya, yóm deng nélék Dwata mò hkamalen yóm klamangen, olo ke tô gfunen yóm tey kendengen bè Idyip. Deng eles hendemen ne kun yóm ofolen elem hulin kdaw lemwót bè Dwata.

Kem Udél Hlalak Tehe Selumun 16:8

Mom hyu he yóm tau udì gutahen ne tedeng bè Dwata senta yóm tau alì bong gutahen mlan bè là ktedengen.

Kem Udél Hlalak Tehe Selumun 15:16

Mom hyu he yóm tau ke laen hol gónón ma ke wen klikoen ke Dwata, senta yóm tau alì bong kendengenen mit du glayam.

Kem Udél Hlalak Tehe Selumun 13:22

Yóm tau hyu kmoen gel tnebelen umun yó kem téméen, okóm yóm kul kendengen yó kem tau gemsalà, nô bè yó kem tau tedeng kmò le.

Kem Lingón 37:16

Mom hyu he yóm tau hyu kmoen ne tek udì kimuhen senta yóm tau mò sidek ne tey bong kimuhen.

Kem Udél Hlalak Tehe Selumun 15:5

Yóm tau book hennéen hlau kem tuhahen, okóm yóm tau hulung milô kenmónen yóm kbólów le du.

Kem Udél Hlalak Tehe Selumun 15:7

Hbólen yóm ketngón yóm kun kudél yóm tau hulung hedem, okóm fen là kun yóm tau book.

Kem Udél Hlalak Tehe Selumun 3:33

Tnuled Dwata yó kem gmónô gel mò sidek, okóm fen nuyagen yó kem gmónô tedeng kmò le.