Kem Udél Hlalak Tehe Selumun 15:5 - Udél Dwata: Gna Kesfasad ne Lomi Kesfasad

⁵ Yóm tau book hennéen hlau kem tuhahen, okóm yóm tau hulung milô kenmónen yóm kbólów le du.

Kem Udél Hlalak Tehe Selumun 15:5 Referans Kwoze

Kem Udél Hlalak Tehe Selumun 13:18

Baling élél ne henyaken knóen yóm tau là kenmónen yóm kehlau le du, okóm yóm tau kenmónen yóm kbólów le du, megdóyón.

Kem Udél Hlalak Tehe Selumun 13:1

Yóm logi hulung hedem hnungolen yóm hlau maen du, okóm yóm tau sedekà là kóen hmungol bólów.

Kem Udél Hlalak Tehe Selumun 19:20

Hnungolem yóm kehlau le kóm ne henmóyóem yóm kestódô le kóm anì hulungi hedem.

Taytus 2:15

Hol tolokem kul ni kem ni. Hol gendufem lu mimón, ne bnólówem lu ke wen gónó le teklé, yakà wen kóm kwalis mò du. Ne béem nmò yóm gónó le kemfê kóm.

Taytus 1:13

Ni se gónóm hol mólów kul anì là wen tlek belenen yóm kehtahu le,

1 Tutul Israél 28:20

Yó bud udél Dabid ebè yóm ngaen Selumun, monen, “Hol hotuhem gelem, ne hfólem nawam, hol nmoem yóm hmò Dwata kóm. Béi abay hlikò, ne béi se abay htakas balù yóm tey kbong yóm hmò Dwata kóm. Abay se yóm Dwata yóm sana Dwata hol dou gónó mogot, tendo nô béléem. Là kô bayaen kóm, ne là se kô tnagaken kóm efet gotu gdengem yóm kdê wen muhen bè yóm ktaba ye ebè Dwata lem yóm Gónô Dwata hefdaem.

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

Kem Udél Hlalak Tehe Selumun 10:1

Ni kem ni bud kem udél hlalak tehe Selumun. Hegdóyónen maen yóm logi hulung hedem, okóm yóm logi book heblaten nawa yéen.

Kem Udél Hlalak Tehe Selumun 6:23

Yóm kul hlau lómón ke solok alì mtataw nóngen ne yóm kul kestódô kóm toloken kóm yóm klowil hyu.

Kem Udél Hlalak Tehe Selumun 1:23

Ke hnungol ye yóm kbólówu kuy gotu hetngónu kuy yóm dou hendem ne yóm dou ketngón.

Kem Lingón 141:5

Mom hyu he ke yó dmofì do yóm tau tedeng kmoen. Wen gónón hyu béléu se yó. Ke wen bnólów le béléu, hol lómón ke henged bulung bè lówóhu. Hol tnóbóngem o anì là gekbéu du. Okóm sónmou gel mni du bè Dwata anì hensengen yóm sidek gel nmò le, ne anì hensengen se yó kem tau mò du.

Kem Udél Hlalak Tehe Selumun 25:12

Yóm kbólów yóm tau deng hulung hedem tey bong muhen bè yóm tau mimón senta yóm tising blówón megélék.

Kem Udél Hlalak Tehe Selumun 15:4

Yóm udél hemyu nawa tendo lenowilen tau, okóm yóm udél wen keseblékê nô du, henblaten nawa tau.

Kem Udél Hlalak Tehe Selumun 15:6

Yóm tau tedeng kmoen tey wen kendengen lem gónóen, okóm yóm kun guta yóm tau gel mò sidek, tódô kmanas lemwót bè yó kem gfaen.

Kem Udél Hlalak Tehe Selumun 1:7

Yóm klikò tau ke Dwata hol but gónón temngón, okóm yó kem tau book mom hennê le yóm khulung hedem ne là kô le móyô htolok.