Kem Udél Hlalak Tehe Selumun 15:4 - Udél Dwata: Gna Kesfasad ne Lomi Kesfasad

⁴ Yóm udél hemyu nawa tendo lenowilen tau, okóm yóm udél wen keseblékê nô du, henblaten nawa tau.

Kem Udél Hlalak Tehe Selumun 15:4 Referans Kwoze

Kem Udél Hlalak Tehe Selumun 12:18

Yóm tau gel sidek kebkóhen tey gbeng lem dumu tau du, okóm yóm kun udél yóm tau hulung hedem, hemyu nawa.

Kem Udél Hlalak Tehe Selumun 16:24

Yó kem udél hyu tey hyu klówóhem du, hol lómón kegnómem du lómón ke mkeni tneb.

Kem Udél Hlalak Tehe Selumun 18:8

Yóm udél yóm tau lemnek ksumóngen lómón ke ken alì mnóm, tey le beyen mungol du yó kem tau.

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

Kem Udél Hlalak Tehe Selumun 3:18

Yó gónón tahà ktauhen yóm tau lanen mmu yóm khulung hedem ne tey hyu nawan yóm tau mgen du.

Kem Udél Hlalak Tehe Selumun 18:14

Yóm tau gbeken hembala yóm desen, yó se yóm tau tolo móyô mowil, okóm ke là buden móyô laen kô dù kmoem du.

Deng Hegfan 2:7

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yó kem sidek gel sut, angat hkenu kul bungu yóm koyu hlowil tau tmowok bè benwu Dwata.”

1 Timuti 6:3

Ke wen tau tólóng toloken, ne là segtónen ebè yóm tahu udél yóm gónó tekuy mogot Jisas Krays, ne là se segtónen ebè yóm ktahuhen deng tolok me,

Kem Udél Hlalak Tehe Selumun 26:22

Yóm udél yóm tau lemnek sumóngen lómón ke ken alì mnóm tey le beyen mungol du yó kem tau.

Kem Lingón 109:22

Yakà teye élél, ne laen dù gónóhu htóbóng, ne tey sidek kebà nawahu.

Kem Udél Hlalak Tehe Selumun 15:3

Balù nô, gotu ton Dwata yóm kdéen, gotu tenngelen se ke sidek duhen hyu yóm nmò tau.

Kem Udél Hlalak Tehe Selumun 15:5

Yóm tau book hennéen hlau kem tuhahen, okóm yóm tau hulung milô kenmónen yóm kbólów le du.

Kem Udél Hlalak Tehe Selumun 10:11

Yóm kun kudél yóm tau tedeng kmoen, ten-gelen nawa kem dumun tau, okóm yóm kun kudél yóm tau gel mò sidek gónón gebnos yóm alì ksidek nmoen.