Kem Udél Hlalak Tehe Selumun 15:12 - Udél Dwata: Gna Kesfasad ne Lomi Kesfasad

¹² Yóm tau gel semdekà là kóen móyô bnólów ne là se kóen halak bè yóm tau hulung hedem.

Kem Udél Hlalak Tehe Selumun 15:12 Referans Kwoze

Amus 5:10

Tey kutó nawa ye du yóm tau gel tedeng kukumen. Bud knutó nawa ye snéen yóm tau gel tmulón tahu bè kukum.

2 Timuti 4:3

Yó gónóhu mon du yóm yó, wen kdaw le là bud hemkmón du yóm tahu tolok yó kem tau. Mom yó lolò le yóm kul knóyô. Ne tey dê tau gónó le htolok, ne són tolok le kul, són yóm nóyô le mò lelen nawa le.

Kun Snulat Jan 7:7

Là kô knutó nawa le kuy yó kem tau lem benwu. Ou se yóm knutó nawa le, abay se tódô gel benkasu bélê le yóm sidek gel nmò le.

Kem Udél Hlalak Tehe Selumun 15:10

Yóm tau ke knogolen yóm nmò tedeng wen tey sidek tafaken ne yóm tau kenbéen yóm kbólów du hukolen ktauhen.

2 Tutul Israél 18:7

Bnalà Ahab se, monen, “Wen sotu tugod Dwata nô bè ni, okóm tey keklitu du. Laen kô dù hyu deng gel tulónen dou, són yóm sidek. Yó boluyen Mikaya ngà Imla.” Bnalà Jihusafat se, monen, “Béem abay mon yóm yó. Na te na hnungol ke tedu yóm kun tulón.”

Kem Udél Hlalak Tehe Selumun 13:1

Yóm logi hulung hedem hnungolen yóm hlau maen du, okóm yóm tau sedekà là kóen hmungol bólów.

Kem Udél Hlalak Tehe Selumun 1:22

Ni se udélen, “Yu kem tau là ngelem kehedem ye, mò kegenen de duen yóm óyô ye du yóm là ketngón ye? Yu kem tau gel semdekà, mò kegenen de duen yóm kbeyen ye yóm kesedkà ye? Ne yu kem tau book, mò kegenen de duen yóm keklit ye du yóm ketngón?

Kem Udél Hlalak Tehe Selumun 14:6

Yóm tau gel semdekà gel hnebelen yóm khulung hedem, okóm laen dù tonen, okóm kun yóm tau hulung temnef, mahil wen tngónen.