Kem Udél Hlalak Tehe Selumun 14:2 - Udél Dwata: Gna Kesfasad ne Lomi Kesfasad

² Knikoen Dwata yóm tau tedeng kmoen, okóm là kun yóm tau sigol kehedemen mom sendekaen.

Kem Udél Hlalak Tehe Selumun 14:2 Referans Kwoze

Kul Nmò 10:35

Balù kihu tau, ke wen klikoen ke Dwata, ne ke hol nmoen yóm hyu bè Dwata, là kô knogol Dwata du se kun, nô kihu se kun gónó gu mbut.

Kem Udél Hlalak Tehe Selumun 28:6

Mom hyu he yóm tau élél laen dù kéngen senta yóm tau là tedeng kmoen anien ke wen kendengenen.

Kem Lingón 112:1

Hol dóyón tekuy Dwata. Hligal kun yóm tau wen klikoen ke Dwata, tendo hyu kegnómen du bè kimónen yó kem hlau Dwata.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Kem Lingón 25:21

Yóm dou kgulit ne dou ktedeng yóm gel mofin dou, abay se uu yóm nefet nawaw.

Kul Nmò 10:22

Mon le se, “Hógów Kfitan Kurnilyus mi edini. Tey hyu kmoen yóm kfitan tu, tau hemtahu bè Dwata, ne tey kadat le du kdê yó kem Ju. Deng wen hógów Dwata gu bè longit sut béléen, hfangayen uu ne anì gungolen yóm tulón gel nwitem.”

Kun Snulat Luk 16:14

Wen se kem Farisi nô bè yó, yó kem tau són filak alì henlom nawa le. Tikóng gungol le nim mon Jisas ni, mom sendekà le.

Kun Snulat Luk 10:16

Ne bud mudél Jisas bè yó kem lemolò du, yó monen mò kul, “Bè nim khógówu kuy ni, yó se hmungol kuy, lómón ke ou se yóm hnungolen. Yó se kembê kuy, hol lómón se ke ou yóm kenbéen. Ne ke kenbéen ou yóm tau, hol lómón ke kenbéen snéen yóm hógów dou.”

Kem Udél Hlalak Tehe Selumun 19:1

Mom hyu he yóm tau élél laen dù kéngen senta yóm tau book ne gel mò kéng.

Kem Udél Hlalak Tehe Selumun 16:17

Knogolen yóm sidek yóm kun kmò klan yóm tau tedeng kmoen ne yóm tau ten-gamahen kmoen, henyuhen klowilen.

Kem Udél Hlalak Tehe Selumun 11:12

Là kóen hulung hedem yóm tau sendekaen kem dumun, okóm yóm tau hulung temnef tódô yem.

Kem Udél Hlalak Tehe Selumun 2:15

ne bè yó kem tau laen kô ken-gel nawam bélê le ne là se tedeng kmò le.

Job 1:1

Tehe yu ekni bè yóm benwu Us, wen sotu tau menwu bè yó boluyen Job. Nim tau ni, laen dù gónó le gemsanil du yó kem dumu tau. Tey tau gulit knawahen, mung du yóm klikoen ke Dwata ne tendo gel hetsik bè yóm sidek.

1 Bok Kem Tau Hol Geta 3:6

Bnalà Selumun se, monen, “Tey alì kbong nawam du yóm mau Dabid, abay se tey gulit kloloen kóm lelen tedeng, ne laen dù limengen béléem. Efet ni kmoen ni sana yó ne kbong nawam du, glokem bemlay du ngà logi mò tlesen.

2 Samwél 12:9

Moen ke deng mom nuléhem ou, ne nmoem yóm tey sidek béléu? Deng hfatayem Uraya bè gida yóm tau Hitayt, lelem bud mled yehenen.

Kem Udél Hlalak Tehe Selumun 16:6

Mlan bè kogot nawa ne kteneb tau bè Dwata gónón hmifót salaen ne mlan bè klikò tau ke Dwata gónón gemkogol yó kem nmò sidek.