Kem Udél Hlalak Tehe Selumun 13:7 - Udél Dwata: Gna Kesfasad ne Lomi Kesfasad

⁷ Wen se tau hlingu tau mdengen okóm laen kô gónón ma ne wen se tau hlingu tau élél okóm tey wen kendengenen.

Kem Udél Hlalak Tehe Selumun 13:7 Referans Kwoze

Deng Hegfan 3:17

Igò ye sem gel mon du, ‘Denge mdengen do, deng baling hyu klowilu ni, laen kô dù gónóhu élél.’ Okóm là kô tngón ye du yóm tey ksideken bélê ye. Deng ye baling tau knodu, tau alì élél, tau mógów laen dù nes, tau butô.

Kem Udél Hlalak Tehe Selumun 12:9

Mom hyu he kun yóm tau glaan mowil bè kmoen nmò, senta yóm tau tô hlingu tau hol geta bede élél ken.

Kem Udél Hlalak Tehe Selumun 11:24

Yóm tau là sgafasen mom temnù yóm gónón wen ne yóm tau ngalihen yóm tô mò blayen fen temnù kélélen.

2 Kurin 6:10

Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

2 Pitér 2:19

Yó fasad le kul, mon le, “Ke lolò ye nim kum tolok, laen kô dù hlau bud gónó ye gfét ne.” Okóm là kô dog tngón le du yó kem tau tmolok sekban yó yóm tey kegfét le bè yóm sidek gel nmò le. Yó se henged fét le yóm alì óyô le mò sidek.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Kun Snulat Luk 12:21

Ne bud mudél Jisas ebè yó kem tau sbung bè yó, monen, “Yó se kmoen yóm tau ke alì sen-glomen kendengenen, okóm bè kton Dwata du, tau alì élél.”

Kem Udél Hlalak Tehe Selumun 13:11

Tey mahil se kgotuhen yóm kendengen là gnayam du, okóm yóm kendengen gnayam balù ket na udi kaem mból.

Deng Hegfan 2:9

“Deng tngónu se yóm alì keglayam ye lemwót bè yóm klolò ye do. Ne tngónu se yóm tey kélél ye, okóm lemwót bè kehtahu ye, wen tey kendengen ye. Ne tngónu se yóm alì gel ksidek kbak le ebélê ye yó kem tau snalig le yóm ktau le Ju. Okóm sundu kem dou tau du yó kem tau yó, hono kem tau nfun Seitan.

1 Kurin 4:8

Ilóem ofo kuy ke deng gsengel ne yóm kenhulung deng blay Dwata kuy. Ofo kuy kô ke laen dù gónó ye élél, ne ke deng ye baling tau hol geta? Okóm bélê me kum, là he. Tey hyu se ke tahu yóm kegeta ye yó anì gomong me bélê ye.

Kun Snulat Luk 12:33

Hebli ye yó kem kimu ye, ne blay ye bè yó kem tau élél yóm blihen. Ke yó nmò ye, lómón ke deng wen filak henyu ye bè longit bè yóm gónó hemyu filak là buden sidek. Ke wen ten-ginof ye bè longit, là kô wen fen mtón du ne laen se dù mnagaw du ne laen se dù kaba hemsidek du.

Kun Snulat Luk 12:20

Okóm mudél ebéléen Dwata, monen, ‘Nungeli nim uu. Són ktauhem kifu ni kdeng. Ne yó kem deng henyuhem yó, tau du de bud mfun kul?’ ”

Kem Udél Hlalak Tehe Selumun 13:8

Lemwót bè kendengenen gónón gemsok knóen yóm tau ke wen tau gmaga du, okóm yóm tau élél laen kô gmaga du.