Kem Udél Hlalak Tehe Selumun 13:6 - Udél Dwata: Gna Kesfasad ne Lomi Kesfasad

⁶ Yóm kemlung yóm tau laen dù belenen duhen yóm ktedengen, okóm yóm sidek gel nmò yóm tau gemsalà yó se mit du meglà.

Kem Udél Hlalak Tehe Selumun 13:6 Referans Kwoze

Kem Udél Hlalak Tehe Selumun 11:3

Tendo le galak bè yóm ktedengen yó kem tau tedeng kmò le, okóm yó kem tau là gsalig kul bè yóm kul keseblékê, yó se heglà kul.

Kem Udél Hlalak Tehe Selumun 21:12

Dwata se yóm temngón du yóm kun gmónô yóm tau gel mò sidek ne bud du se heglà kul.

Kem Lingón 140:11

Hol béem abay hdengen lu yó kem tau mò kéng bè nim benwu me. Hol wen he hlayam hgefetem bélê le yó kem tau alì lóbô.

Kem Lingón 26:1

Ó Dwata, hegfanem yóm klaen dù salau, abay se tedeng yóm gel nmou. Là kóen monol yóm gel ksaligu kóm.

Kem Lingón 25:21

Yóm dou kgulit ne dou ktedeng yóm gel mofin dou, abay se uu yóm nefet nawaw.

Kem Lingón 15:2

Yó olo knóón, són yóm tau tendo mimón ke Dwata, ne laen dù belenen yóm gel nmoen, ne hono tahu yóm gel btang bè sumóngen, laen kô dù bool kestulónen,

Kem Udél Hlalak Tehe Selumun 5:22

Yóm tau gel mò sidek deng gfét lem salà ne. Yóm salaen henged fét mgen du.

Kem Lingón 119:1

Hligal le kul yó kem tau laen dù belen le, yó kem tau lemolò du yóm hlau Dwata.

Kem Udél Hlalak Tehe Selumun 10:29

Dwata mò gónó le e mlo yó kem tau tedeng kmò le, okóm yó kem tau gel mò sidek bud du se gónó le meglà.

Kem Udél Hlalak Tehe Selumun 11:20

Tey keklit Dwata kul yó kem tau seblékê kehedem le, okóm bè yó kem tau laen dù belenen yóm kehedem le, tey kligalen bélê le.

1 Bok Kem Tau Hol Geta 1:52

Yó balà Selumun du, monen, “Ke hegfanen béléu yóm kehyu kmoen, balù sbalu weken là kóen lana béléen. Okóm ke là, angat matay.”

1 Bok Kem Tau Hol Geta 13:34

Ni se but gónó Jirubuam alì gemsalà bè Dwata. Yó uléken, duhen yóm gotu kegbà yóm benwu nogoten, ne yóm khatay le du dalang se yó kem fes lówóhen.